بسم الله الرحمن الرحيم صباحكم / مسائكم
معطر بباقة من الورود
هلا والله وغلا بااعضاء المجلس تو مانور المجلس بطله وجهي المشرق >>مداح نفسه يبغاله ..."بوسه ,رفسه "
يامرحبا يامرحبا بالطش والرش والبيض المفقش والشعر المنفش>> طسي
لابد للانسان ان يمر بواقف تنعش له حياته قد يكون في طياتها المرح والحزن
وساذكر لكم مافي مخيلتي من المواقف الراسخه فيه لعلها تنال على رضاكم واستحسانكم ياالغالين >>لازم الواحد يصير formal
>>صار introductory مو موضوع
______________
* موقف عن خيانه شخص لاحد الغالين على قلبي
هذي نوره ذوق في الاخلاق والدين والفقه والانجليزي ومواد العربي هههههههه..
و متملكه لها سته شهور وكان زوجها قمه في الاخلاق ,لكنها من زود طهاره قلبها
قايله لزميلاتها نهى ,عن مدى حبها لزوجها وكان وقت المحاظره زميلتها نهى الخاينه جنبها فقالت صديقتي نوره انا برووح لدوره المياه وانتي امسكي جوالي فقامت زميلتها نهى باخذ رقم زوجها ويوم جت صديقتي نوره فكانت الزميله نهى وضعها عادي وماكنها مسويه شي فتفارقو وانتهى الدوام وراحت هالزميله نهى على طول دقت على زوج صديقتي نوره وبدت قله الادب بالخيانه
بعد خمس ايام كان زوج صديقتي نوره جواله فيه خلل فوصاها تدق عليها من رقم صديقه اذا احتاجت له فكان ذاك اليوم عندها ظرف تبي تستاذن فدقت على الرقم اللي اعطاه اياه فرد صديقه قالت له عطني فلان"زوجها" قال: انه توه رايح مع زوجته قالت: انت صادق, قال :لها طيب انتي مين؟,قالت :انا اخته ,"من الصدمه "
"وكانت زميلتها نهى اجمل منها " المهم مرت الايام وهي تراقب تصرفات زميلتها نهى وزوجها ويوم تاكدت من الكلام
دقت عليه وصارحته بالامر والاغرب منه ان زوجها ماانكر انه يكلم زميلتها نهى
وخيرته ياهي او زميلتها نهى "تتوقعون وش قال"
V
V
V
V
قال:اقدمها اهي "نهى"عليك ,ليتكم شايفينها كن احد معطيها كف على وجها من زود الصدمه
وفي النهايه "الـــــــــطــــــلاقــــــــــ "
_______________
*موقف صاير لاختي
الرياض وماادراك مالرياض وعشقها للحفريات>> الحين ابغى اسالكم وش علاقه الحفريات والرياض
المهم بما ان الحفريات منتشره في كل مكان حتى قدام بيتنا>>وش فرقه عنكم
وعلشان نمر"نمشي" حاطين "خشبه * لوح"للعبور>>متعوب عليها
كانت اختي توها جايه من المدرسه مع السواق "وكانت في وقت جيه البابا"
نزلت من السياره وسلمت على البابا ويوم جو بيدخلون البيت عيت اختي تدخل قالها البابا:ادخلي
قالت :لا قال:وراه قالت :الخشبه تهتز اخاف امشي واطيح قالها:بلا دلع وتعالي قالت :لا يعني لا
قالها :احسن نامي ودخل
اختي العنيده التفتت يمين شمال الشارع كله هدوء و فطست من الحر
فالاخير قررت انها تدخل
يوم جت تمشي شافت الخشبه باديه تهتز
بعدين قالت :الله اكبر ابوي الي اثقل مني ماانكسرت عليه مو منكسره علي ومشت>>يا واثق
"وياليتها مامشت"
وشوي مانسمع الا صوت صراخ وصياح 
مانشوف الا ابوي ناقز وراح يركض ويوم راح يدورها يسمع صوت صراخها داخل الحفره
مار يلتفت و يشوف السواق يطل براسه داخل الحفره ويرم راح لقا اختي المسكينه
طايحه وتصرخ وتصيح في الاخير راحت المستشفى وصار فيها كسر في رجلها وشويه جروح
ماشاء الله على اختي احساسها في محله
______________
*موقف اللواقه عند الدكاتره السعوديين
دخلت انا ويا صقيقتي غير اللي في القصه الاولى, هذي فلانيه وفرفوشه
المهم اختبرنا ويوم خلصنا جتني خطر ماتصيح علي قالت ماحليت لاامس ولا اليوم وش اسوي قلت لها: كلمي الاستاذ تراه طيوب قالت: اوكي يوم كلمته قالت الكذابه: اني متوفي لي خالي ولا قدرت ا ذاكر وصاحت وانا اواسيها بالمناديل قالها الاستاذ: اذكري الله وترى هذي مو اخر الدنيا,, ياحبي له هالاطخم, فقال لها :جيبي شهاده الوفاه, ماادري الا البنت صوتها في الصياح زاد مدريت من زود التاثر صحت معها>> فقشه
فقال الاستاذ: مولازم الشهاده قالت: يعني موافق تعيد قال: ايه
البنت عجبتها الكذبه فراحت كلمت استاذ الماده الثانيه المصري, وقالت له: نفس السالفه فقالها الاستاذ: والله لو بتتوفى العيله كلها ماحعيد الاختبار>>امحق لواقه وينكـ يالاطخم عنه
فقالت في نفسها:جعلك تموت قبل عائلتي ههههههههه
_____________
*وفي النهايه
*اتمنى ان المواقف تعجبكم واني اكون خفيفه عليكم لانه اول موضوع لي
*مع السلامه بي باي بالانجليزي قود باي >>كح كح
*وياويلكم ويا سواد ليلكم وليلكم لو شميت ريحه سبه ولا شتم>>اوخس ياقويه
*وراح استقبل استفساراتكم وانتقاداتكم على موقعي
www.--------------.com
** اختكم / الحلآ مبتليها **
