نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

..بقــ حرف ـايا.. · #2 15/05/2008, 03:05 AM

محطة أولى ..

فجأة في أحضان السنين تكتشف إنكـ كبرت .. وإن كل شئ مو مثل ماكان ..واحد وعشرين سنة كبرت.. وصرت أكبر وكبرت الدنيا معآآآي ..
وكبرت كثيررررررر عن عمري ..
باقي إسبوع واستلم {{ عهدة سنيني }} .. هنا بس حسيت إني كبرت ومادريت ..

محطه ثانيه ..

عبرتي ..
بؤسي..
دموعي..
أنتظاري ..
لوعتي..
عزتي ..
زعلي ..
يأسي ..
زوبعتي ..

أتذكر..!؟ كل هذا ..؟!
أذاً

إجمع أحرفكـ ..!!

محطة ثالثه ..{{

من شقاوة طفوله (( مريول رمادي )) ابتدائي

كان أحلى شئ الشارع

ريما وتغريد وصالح ومحمد والبتول . كان أحلى جدتي

والبقاله .. والموال الليلي انا وأمي :

مامي :ادخلي الدنيا صارت ليل

انا :اصبري شوي شوفي تغريد مادخلت

مامي :يلاه ادخلي خلاص بنااام

<<< صياااح

وكل صباحي مع عصافير وطيور ..

ماما يلاه سكري ثوبي وسوي فُله ..
مامي : البسي انتي صرت كبيره

انا : ادري كبرت بس ما اعرف

..

يبه..!!
كانت سوالفكـ غير ..
ياحلوها على العشاء ..
أبعتذر لك يايبه ..
كنت تقول نادوها تتعشى معي ..
ما للعشى من دونها طعم ..
كنت اقول انا نمت ..!!
وانا مانمـت ..!!
بس الهتني الدنيا كثير ..
بس صفعتني الدنيا بعدها
أكثررررر..

اصعب مكان/...

عندما تعود الى بيت جمعك يوماً مع من تحب فلا تجد فيه غير الأطلال وبقايا عمر رحل ،
وذكريات لن تعود..!!

,,

بندر ..
مدري ليه كنت تضربني !!
بس توي أفهم انكـ تحب ..
بس مافهمتكـ ..!!
قد ما كرهتكـ حبيتكـ..

ياسنيني / كنتي أطهر شئ في هذا الوج ـود ..

محطه رابعه..

مريول كُحلي (( متوسط ))

كنا أربع بس فينا شئ أكبر.. كنا أروع ماخلق ربي من صداقات البشر ..
كان فينا شقاوة ..وضحك .. وحتى زعل .. بس نحب والله نحب
بس مدري ليه افترقنا ؟؟ يمكن ذا حكم القدر ..
بس ماعليه كذا أجمل ..

يآآآآآه باقي صفحه من الكتاب الرمادي ..

أذكــر ..
بهدوء الفجر بغرفة العمليات ورائحه البنج تعبق بأنفاسي وكل من حولي بياآآآض .. واجهزه .. وكل شئ فيني اختلف دقات قلبي ونظراتي وخوفي ..
وآخر شئ شفته كانت أمي كانت تبكي وتسمي علي .. وتركتني معهم وهي تدعي ربي يحفظني لها ..
يبــه .. قالوا إنكـ كنت تبكي ..!! عسى ماتمس عيونك النار..
خوااتي ما انسى وقفتكم معي جعل ربي يحفظكم لي ..
صديقآآتي وربي أحلى ذكرى وقفتكم معي ..أحبكم رغم الفراق ..

!
!
!