|
طيب ليش زعلانين شي طبيعي تعرفون ليش ؟؟؟
بسم الله الرحمن الرحيم
مبروك الهزيمة يا زعماء اسيا وهذا شي طبيعي في كرة القدم فوز وخسارة بس اذا كانت زي وضعنا نتحدى ان نرد الصاع صاعين ومانرد شي وترجع في وجيهنا صراحه قوية ..............!
الاهم والمهم واهم مهم هو شي مهم ولازم نهتم فية لانه مهم شفنا الهلال هذا الموسم كيف مشى بالقوة حتى اخذ بطولتين والثالثة ماقدر عليها لانها كانت جدية ولامساعدة من( الحظ) مجرد ما يغيب واحد من الاعبين المهمين الهلال تعثر وكذب من قال ان الهلال لايتأثر بغياب لاعب واحد مثل ياسر وطارق والدعيع وعزيز والغامدي والشلهوب وتفاريس لاعبين مهمين وخلوكم واقعيين بعيد عن حب النادي والاعبين فريق يتأثر بغياب لاعب واحد والمشكله مافي البديل المناسب اللي يقدر يمسك مكان الاعب الغائب ويكون قد المستوى المطلوب ويحقق امان وتحرك وانتصار في نفس الوقت والشي الاهم من هذا كله قوة الفريق ناقصة بسبب بطء او وقوف الجهة اليمنى لعدم وجود ظهير مناسب وجود صعوبة في منطقة الهجوم وصعوبة وصول المهاجم للمرمى لعدم وجود دعم ومساندة هجومية هذي كلها تشكل 40% من ضعف قوة الفريق وحصر الفريق داخل الملعب وعدم المقدرة من التمركز والهجوم ,,,
ليش ادارتنا الحبيبة الغالية ما تتفادى هذي الامور وتشوف مهاجمين يدعمون خط الهجوم والفريق ليشمن ادارتنا ماتحل ازمه خط الدفاع اللي صار لها الحين 5 او 6 سنوات وهي منكوبة من الظهير الايمن الى الايسر كامل ليش ادارتنا ما تعزز الدفاع بمدافعين اقوياء بحجم تفاريس اللي خلوه يروح ولا ضربو له حساب ليش الادارة ما تجيب ظهير ايمن للفريق اللي من يوم طلع الدوخي ولا لاعب قدر يسدها من يوم راح الدوخي ليش ادارتنا ما تعزز الفريق بالبدلاء عشان اذا احد واجه اصابة لاسمح الله او صدر له قرار ايقاف يكون موجود له بديل ناجح وقوة يقدر الفريق يثق فية ليش ادارتنا الغالية معطية مدربنا الحالي راحتة في اتخاذ القرارات كأنهم يخافون لايزعل ويقول بروح ماعاد بأدرب واكبر دليل مبارتين الهلال والاتحاد والذهاب والاياب طلعت قوة المدربين فيها رغم الغيابات اللي زاجهها الفريقين والظروف الا ان القوة ظهرت واستلام اللعب والسيطرة كانت موجودة ووااضحة زي عين الشمس ليش ادارتنا اذا ماكانت تقدر تسوي هذا كله تصير ادارة ليش ماتترك الفريق لمن هو الاحق به واللي يقدر يحقق مطالب النادي ,,
الان احنا اش ذنبنا احنا كجمهور نبكي ونشد اعصابنا وننتظر مباريات فريقنا على احر من جمر وبالاخر فريقنا يطلع خايب من مباراه ليش مايصير نادينا يدعس على خدود النوادي الثانية في جميع المباريات ويدكهم ب 3 و4 و5 و6 ونقدرنواجه في جميع الاوقات .. الان النادي احبطنا وبكانا ووترنا واقلقنا وناس مريضة بالضغط والسكر والقلب والصرع وووووووو من جماهير الزعيم وتعشق هذا النادي الكبييييير وتروح فيها بعد المباريات من يوم حنا صغاار اهلنا يعلمونا ان الرجال ما يبكي ونقول طيب ونصير شياب كبار ونادينا يبكينا غصب عنا تقول لا لاتتفرج في الزعيم صعب هذا مستحيل انك تترك ناديك خصواصا اذا كان الزعيم لانك اذا تركت هذا النادي كأنك تركت شي من حياتك خلاص ماقدر اواصل اكثر من كذا ان شاء الله انكم ما تجاملون انفسكم اكثر من الازم وتكونو على الحقيقة حتى لو كانت مررره لازم نتقبلها اتمنى من ادارتنا انها تلتفت بصورة افضل على الفريق والاعبين وتلتفت للجماهير الوفية للنادي ان تسعدهم بتكون الفريق على اكمل وجه ولا اطيل عليكم واعذروني على الاطالة والكلام الثقيل بس اش اسوي لازم اعبر من بعد الهزيمة انفقع قلبي ماقدرت انام من الحسرة لكن الله يكتب لنا اللي فية الخير ..
والسلام عليكم ورحمة الله وبركاته ,,,,  | 