ابتداءا من فوده اللي يمشي على نظام انا ضدك يالهلال ومرورا بمحاباتهم للإتحاد حتى انهم في جميع الأوقات يعرظون مباريات الاتحاد وإلا اهدافه ((( مره فتحت قنوات الدوري السعودي ولالقيت مبارات للإتحاد الصراحه استغربت ومن قوة الاستغراب حطيت قناة سبورت ون اللي ماعمري حطيتها لأنها تجيب المرض الدوري السوري والسوداني وطقته وأشوف مباراة الاتحاد والصفاقسي)))ومرورا ايضا بمذيعهم المستظرف عبد العزيز البكر وجملته المشهوره عفطهمأهنيك على اختيار المفردات ومرورا بقطع صوت جماهير الهلال واخراجها السيء لمباريات الهلال وايضا اعادات اي خطأ ضد اي لاعب هلالي وتجاهله للأنديه الأخرى وأيضا كلنا يذكر كليب عتريس اللي يظهر جماهير الهلال انها الجماهير المشاغبه حتى جاءت اليوم الطامه نقل مبارات الهلال والأهلي بالرياض 5-1 للأهلي انا ماأدري وش المناسبه خصوصا ان المباراه قديمه وأتحداهم يعيدون نقل مبارات النصر والاتحاد6-0وإلا مبارات النصر والشباب6-1 وإلا مبارات الاتحاد والهلال 4-2والا مبارات الهلال والأهلي 5-2 كاس المؤسس


انا ابغى حل لتجاوزات هذي القناة التجاوزات الكثيره اللي ماأذكر منها الا اللي كتبت ماأبغى احد يجيني يقول نقاطعهم لأنه بالعقل ماتقدر تقاطعهم بتشوف الدوري بالسعوديه لا وبنفتح معهم قناة بعد آآآآآآخ يالقهر !!!!ومباريات الهلال اللي ماهي منقوله كيف نشوفها بالعربي حنا مجبورين بس نبغى حل يخليهم يغيرون مواقفهم السلبيه معنا

انا اقول مافيه الا واحد من رجالات الهلال يوقف بوجيههم

أتمنى كل واحد يعطينا موقف سلبي يتذكره من القناه المذكوره اذا كان يذكر ويعطينا حل للمشكله

وأتمنى من واحد من الجماهير يرسل رساله للقناة عبر الايميل او منتدى القناة او لمسؤؤل بالقناة عشان يتابع الموظوع وآراء الجماهير الهلاليه فيهم

وشكرا وآسف للإطاله