السلام عليكم ورحمة الله وبركاته 
ارحب بجميع من دخل موضوعي ... واتمنى تقبلو زيارتي للمجلس العام 
مع اني زرتكم مرة قبل كذا وموضوعي سوى قلق واخذت انذار بس نشبة رجعت
انا بين كل فترة وفترة اتابع المجلس ... بس ما اشارك فيه ما ادري احس انكم مو من مستواي لا والله اعضاء المجلس فيهم الخير والبركة وان شاء الله تشرفونا بالعالمية <== اصلح مدير شركة اعلانات نخش بالموضوع ...
اليوم العصر .... شارع عبدالرحمن الغافقي زحمة !!
الشوارع فل ... الناس كلها بالشارع ... الشرطة ... الاسعاف ... انواع القلق 
تخيلو حتى المحلات مقفلين وطالعين للشارع !!
اللي يعرف المنطقة اللي اتكلم عنها ... فيه مجمع اتصالات تقاطع الحسن بن علي مع الغافقي 
تخيلو المجمع كله مقفلين محلاتهم وطالعين للشارع يشوفون وش فيه !!
اذا طريقك لمشوارك كانت تاخذ منك ربع ساعة ... مع وضع اليوم يبغالك ساعة ونص بالراحة ...
اخواني ما اطول عليكم ... اللي مخلي الناس كلها بالشارع هو خدامه ايه خدامه ... مسويه قلق ...
خدامه طالعة لسطح البيت وواقفه على السور ومعها سكينه طبعا اكيد كلكم عرفتو ليش مسوية كذا !! اكيد تبغى تنتحر 
انا بالنسبة لي الموضوع اللي يهمني بكل هالقصة ... ليش هالشغالة فكرت بالانتحار 
طبعا قعدت فترة طويلة وهي على الحال ... وما احد قادر يسوي شي خايفين تسويها وتنتحر كثير من الناس طفشو من كثر الانتظار وش اللي بيصير وراحو ...
هالقصة هذي ماهي بشيكاغو ... والا بالبرازيل ... ولا بموزمبيق ...
هذي القصة بشارع عبدالرحمن الغافقي بالرياض يمكن البعض ما يصدق ... لكن انتظرو الاخبار والجرايد ... وما استبعد يكتمون على الخبر اذا طلع كفيلها مهم انا بستغل هالقصة وودي افتح معكم موضوع نقاش 
تعتقدون وش هاللي خلى الشغالة تسوي كذا ؟!
وش اللي خلاها توصل لمرحلة تسوي قلق لكل اللي موجود بذاك الحي !!
انا باعتقادي السبب واحد من ثلاث اسباب ...
يا اما اهل البيت كارفين امها شغل وانواع الاهانات او ماكلين حقوقها اما بتاخير راتب او غيره او مانعين سفرها لاهلها ... ومانعينها تشوف اهلها لفترة طويلة اخواني هي نصيحة لوجه الله للجميع ...
طبعا الحمد لله ما عندنا شغالة ولا مفكرين 1 % نجيب وحدة ...
لكن والله كثير من القصص سمعتها عن شغالات يسوون العجب والعجاب في اهل البيت ...
فيه بعضهن خربانات نقول انها تستاهل وش يجيها ...
لكن والله وانا اضمنلكم ان النسبة الكبيرة من جرايم الشغالات هي سوء تعامل من اهل البيت يعني بالنهاية هي انسانة لها حد معين للتحمل بعدين خلاص تنفجر...
هذي انفجرت بنفسها وفكرت تنتحر ... المشكلة اللي تنفجر باهل البيت !!
يعني تتوقعون لو شغالة احد منكم انتحرت الموضوع بيمشي عادي !!
بالمنطق ... وش يخلي خدامة موفر لها سكن ... اكل ... كل شي ... تاخذ راتب وتحوله لاهلها تصرف عليهم ...
انها تقطع رزقها وتضيع كل هالمواضيع الا اذا وصلت لمرحلة خلاص انه يا انا اموت يا هم ما اطول عليكم ... ساترك النقاش والتعليق لكم ... واتمنى اللي عنده قصة سمعها عن خدم البيوت يعلمنا انا احب اسمع قصص واقعية ... لانها فعلا مرات تفتح عقل الواحد على مواضيع ما كان يحسب حسابها ...
اسف على الازعاج والاطالة ... وتقبلو تحياتي محبكم ... الهلالي 11 (عبدالرحمن) ملاحظة : ان شاء الله في حال توفر صور او فيديو رح انزلها بالموضوع .
