لكن مثل اخوان زوج وزوجته
ابو وبنته ابو وولده بصراحه مااحس اقدر انزل من سيارة اخوي موديني مكان مااقوله يعطيك العافيه تعودت خلاص << ودي اقول اكثر بس مشكلة لاصرت من أهل الرياض
سمعت كثير وجلست مع كثير يقولون خير تخيلين اقول ماتعودنا ومدري ايش
لاحظت تأثير هالكلمات قسم بالله انها تحسك مسوي شي موب طبيعي مع انك ما سويت شي
يسوى انا لاجبت شي لابوي ومدحني احس بشعور غريب وهي كلمة صغيره مثل الله يعافيها ولا مااحب هالشي الااذا صلحته && هلااااااليه && <<ادري انه يخف بي عشان اجيب له 
بس تأثر والله تأثر بصراحه انا اول ماكنت اقولها كثير بس لما شفت تأثيرها احاول انها تصير تلازم لساني موب حلووو عاد على كل شي يعني بعض الاشياء
السؤال س /تقولونها لاهلكم يعني اختك اخوك ابوك امك واذا ماتقولنها ليش وش اللي يمنع تحسون انها تأثر هالكلمات ؟؟؟؟ 
لحد يسأل وشذي إذن إذن ماتعرفونها <<يقولون دعمي موضوعتس بالصور قلت اغثكم )( ونة أذني )( فيه شي مشهوور عندنا عاد مدري هو صدق ولالا تعرفون ونة الاذن يعني لاونة اذن اليمين نقول احد يتكلم فيني بالخير واليسار يذمني
مشهوره بشكل عاد اللي يقول صدق واللي يقول الرسول قايلها اذكر يوم اني بالثنوي سألنا حقت الدين ياحبيلهااا صدق الرسول قايلها ولالا
قالت ببحث واشوف واقولكم بس نسينا نرجع نسألها ورحنا للجامعات بس انا احسها صدق قولو ليه
مره ظهر الجمعه انا واختي نتكلم في اخت صديقتي ونمدحها مدح
من جاء من بكرة نسولف انا وصديقتي وجاء سالفة ونة الاذن قالت ايه زي اختي امس الظهر
تون اذنها اليمين وتقول انها تقول ياحبيلهم من ذا اللي يمدحني بعز الظهر تقول قلتلها
لاتصدقين عمرتس انا هنا ابتسمت
اخر مرة صارت لي يوم مباراة الهلال والاتحاد وحسيت بازعاج قلت والله ان اللي يتكلم فيني فاضي وانا معصبه من المباراة يوم التفت الا هلي يضحكون قلت خير قالو تراها اليمين قلت حتى لو مالقو الا هالوقت سؤالي س/ تحسون هالشي صدق ولالا ؟؟؟ <<<على فكرة وانا اكتب الموضوع ونة اذني اليسار مدري من القليل الادب يحش فيني هييييييييييييييه انت وياه وياها اشربو شواهيكم بردت ثمن تدعون علي لاداعي لثناء ادري انكم فهيتو مع الموضوع بس هالفقرة عشان تشربون شواهيكم وبباسيكم <<<ابوك يالغرووور نرجع للموضوع \ / أهل الرياض مرة دكتوة عندنا تحب تشطح من المحاضرة وقاعده تقول انتو هنا بالرياض وانتو وانتو ماعندكم جرائة اشياء تمنعونها من حياتكم مع انها موب عيب ولاحرام (للمعلوميه هي من جده) <<لاتفكرونها اجنبيه
بعدين قالت بالله من فيكم تبوس (تحب) أبوها من خده او تحظنه هنا انا قمنا نتبيسم
ونتلفت على بعض وبعدين ضحكنا وكل وحده تقول تخيلي
هههههههههههههههههههههههههه
قالت بشوف كم المهم رفعو بنتين يدينهم عيون الدكتورة كذااا
قالت بنتين من 70 بنت حرام عليكم وش هالعادات اللي عندكم طيب قولولي ليه وانا
ساكتين قالت بنت دكتورة عيب <<هنا موب بس ضحكنااااااااا الا متنا من الضحك ليتس انثبرتي وماحتسيتي فشلتينا
قالت الدكتوره وش عيبه هذا ابوكي روحي اليوم وسويها وشوفي وش بتحسين وش بيحس ابوك اجل وشلون تحسون بحنان الابوه وشلون هو يحس بالابوه
قالت بنت دكتورة لو اسويها بيقول ابوي هو ذي وش فيها انهبلت خربت علينا المهم طال الحديث وانا اقول اخلصي بس كملي محاضرتس نطلع
سؤالي
س1/المهم تسوونها انتو تحبون ابوكم من خده يابنات وانتو يالاولاد تحبون امكم من خدهااااا وليش ؟؟؟ س2/تحسون ان عندنا عادات بالرياض غريبة يعني كثير اشياء نقول عيب مع انها عاديه مثل هالشي ومثل اشياء ثانيه ؟؟ ساعات البثارة لاجت وش تسوي
ساعات تكون فيه مواقف مشدوده او الوضع متوتر يعني مرة صارت سالفه بين بنتين المهم اشتد النقاش وفجئة كلنا سكتنا وتكهرب
الجووو
وجلسنا مبرطمين ياربيه انا حامت كبدي ماحب كذا 
المهم قمت ورحت وصليت الظهر ورجعت ونفس الشي الشلة مش ولا بد قلت بس هي عيون الشؤن
دايم يقولون مسببين ازعاج في المبنى انتو بس نسفهم المهم وادخل يدي بشنطتي باخذ جوالي الا القى
صرصور لعبه مدخلته اختي البزر وانا اللي انغز اللي جنبي واقول شوفي وش رايتس نحطه تحت هالثنتين اللي خربو علينا
قالت يالله ونروح نتلزق فيهم المهم انا قدرنا ندخله نبيهم يشوفونه ماشافوه ونبيهم
المهم قلت ماودكم تقومون تصلون قالت وحده الا وراحت يوم توها راجعه الا شافته وتدنق وانا
ماسكه ضحكتي وقالت وع صرصور الا تشوته وشاته على اللي صار بينها سوء تفاهم الا ذيك
تطمر طمره وانا واللي جنبي ميتين ضحك تقوم اللي بجنبي وتشيله قالولها يالوصخه قالت
ميت قالو بس ولو قالت ولو وترميه عليهم وحده من البنات تشرب سفن اب من الروعه صرخت
وانكب السفن كله عليها وهي تقول ياوصخه وشلون تشيلينه انا ميته ضحك اصلا وساكته
ولاكني انا جايبته المهم قلنالهم انه لعبه قالو من جايبه وقعدو يسبون اللي بجنبي
وانا مستانسه انهم غيرو جو وسولفو مع بعض وجلسنا نضحك ذاك اليوم ضحك
انا مو من طبعي كذا يعني لاشفت الجو تكهرب اسكت واجلس مكاني لكن ذاك اليوم يوم شفته بشنطتي جتني هالفكرة الجوهنميه سؤالي انتو تحاولن تغيرون الجو لاصار متكهرب ولا تسكتووون ؟؟؟ خبث الاولاد 
اذكر يوم انا بزران كان ولد عمي اربعه وعشرين ساعة عندنا كنا نفتح باب الشارع ونجلس عنده يوم الدنيا امان موب الحين الله يكافي الشر المهم اذكر ولد عمي يلعب علينا دايم
يقول اتحداكم تروحون في نص الشارع وتنسدحون مير انا خوافه خلقه اسفهه رحت يوم
توني جالسه وخفت عودت وقمت اما اختي الكمخه اذكرها تروح وتنسدح وهو الخبيث يعد لها
الين عشرة
ويقول لي يالله دورتس شوفيها احسن منتس وانا اعيي خبيث يقولنا بس هو ماعمره سواها توني اذكر مير اختي ذا الكميخه هي اللي تروح فيهاا والله لو ان سيارة صاكتها كان عرفت ان الله حق الله يازمن اول مدري ولد عمي ذا كبر ولالا <<<احلفي عاد بس انتي اللي كبرتي هنا مافي سؤال حلى هووو 
لاتطالعوني هذي بياله واحد من الاعضاء حبيت اوريكم اياها خلص الشاهي الإنووو
من زمان قد شفت مقطع صوت اللي اسمه بنات جامعة الملك سعوود وكان فيه كم عضو يقولون ليش المقطع اسمه بنات جامعة الملك سعود <<ذاك الوقت مدري ليه مارديت المهم الحين برد <<قولي قسم
المقطع بنات يتطنزون في بعض بنات جامعة الملك سعوود وكان كل المقطع والبنت تقول
إنو البابا ودانا لندن وإنوو الماما مرة غبية وإنووو وإنوووو وإنووووووووو
المهم ان عندنا بنات الياي يعني البنات التجارهم دائما مع كلامهم ينطقون كلمت إنوووو ولا
هيب إنوووو عادي إنووو زي اللي تنطقها بالمقطع
وهم يتواجدون بكثره في ..............<< لاخلاص (عشانك متابعه بصمت) عاد انا شلتنا المحترمه صرنا نطلق على البنت الكشخه والجميله واللي تجلس على الكراسي
وماتتنازل تجلس بالارض و و و و نطلق عليها إنووووو
مثلا وحده من الشله جااايه كاشخه مرة مرة نقولها وش عندتس صايره إنوووووو اليوم
او مثلا اجي انا واقول كلمتني وحده بالقاعه إنووووووو ولا انا جالسين او بمعنى اصح
باسطين بالارض وتقوم وحده من الشلة وتسحب لها كرسي وتجلس عليه من بينا كلنا نقوله
وش عندها الإنوووو على فكرة لاحظناا جلست الارض تجيب سوالف وفله اكثر الكراسي من كثرنا ماتكفينا وثاني شي نحس انا إنوووو ورسميين <<<يارب فهمتو وش معنى إنوووووو أخر شي بسأل سؤال <<من بديتي وانتي تسألين لاجد اخر سؤال تحسون اني برربتي كثيره ولاعادي تراعادي اتقبل الاجابة بكل صدر رحب بس شوي شوي علي 
برااااااااااااايفت لكــــــم
نشوف الايام الاخيره كل عضو بدأ يسحب نفسه ويختفي وشذا باسكن روبنز وينتس ياختي كاني ناضلتس تعالي خذي مني اول كل موضوع لك بصمه فيه الحين مختفيه 
المشاغب له فتره وهه تسنه رجع
والحين مواصل من عام الفيل
وابو ناصر يالله يالله يدخل
بلد الوليد ماله شوفه
متابعه بصمت وش فيك هاجده وين اللي كانت انشط وحده بالعام حتى المسن ماتنشافين فيه
وليد القحطاني بعد بادي يختفي
راكان _20 _ حتى انت كل موضوع لك بصمة ماشاء الله اختفيت فترة وهالايام كني شفت لك كم رد
هلاليه انا نفس الشي هاجده
هلالي في جده نفس الكلام
ويمكن فيه ناس ماذكرتهم بعد
وينكم وش صاير لكم وشذا التغلي ولا وش صاير ليش كل واحد ابتعد عن المنتدى
مايكفي تفاريسوه راااااااح
كل واحد يقضب ارضه بالمنتدى وخل عنكم الخرابيط
سلاااااااام يالشيووون ورده ياليت لو توظفون عضو عشان ينسق المواضيع تعبت وهـ واخيرا 