نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - يؤ يؤ يؤ....!!وشلون عايشين يـ أهل الرياض...؟!

♥ N E V E S ♥ · #1 07/05/2008, 01:22 AM

السلام عليكم ورحمة الله وبركاته..
كيفكم...؟! ان شاء الله بخير...؟!
ابجي للموضوع على طووول.....!!
بصراحه وشلون صابرين على (بعض) رجال الشرطه....؟!
اليوم رحنا انا واثنين من اخوياي للرياض عشان نطلع سيارة واحد من ربعنا من المعارض...(وهو ماجاء معنا)
ورحنا وجلسنا في بيت واحد من ربعنا في الشمال...ودقينا على واحد من السويدي عشان يجي يجلس معنا...
المووهوم..هالمطفوق

اسرع شوي..ومظلل.. ومادرى الا والمرور السري وراه..!!
ويوقفونه ويلطعونه ساعه وربع..!!

وفكو التظليله وصكوه بقسيمه...!!
المقصد...:: ليه ان كانهم ناوين يعطونه قسيمه يعطونه اياها اول مايوقف وخلاص...!!
وشوله يخلونه كل هالوقت........؟! وتحقيقات وغثى وقلة حيا...!!
وجانا عقبها وهو قافل جوه

بعدها رحنا للسويدي عشان نجيب سيارة خوينا اللي توه شاريها...
جبنا السياره وكل شي تمام...فجأه...!!
الى الشرطه ورانا...!!ليه...؟! وش السبب...؟! وش مسويين...؟! مادري...!!
لاسرعه لاتظليل ولاشي...!!
والمشكله انه انا اللي اسوق السياره اللي توقفت وهي مو لي..!!>>لخويي اللي جايب السياره الجديده حقت خويه>>لحست مخكم..!؟

المووهم...ويجينا رجل الشرطه الموقر وبتعامل سيئ جدا جدا...!!
الرخصه والاستماره والاثبات..!!>>طبعا توني على الرخصه

قلت:مامعي رخصه...!!
والموتر مو حقي...!!حق واحد من اخوياي...!!
دقيت عليه وخليته يرجع>>كان سابقني للديره..
ويجي ويعطيه اوراق السياره وكل شي...!!
المهم الشرطي ماكفاه القسيمه اللي عطاني اياها>>حقت الرخصه
جلس يناظر في السياره شوي..
عطاني قسيمه ثانيه...تتوقعون لييييييه.....؟!
لأن الهايلوكس عليه رشه خفيفه..!! وفيه انتل زينه...!!>>يعني قسيمتين مدري من وين طلعوا...!!
ويخلينا ننطق ساااعه كااامله...!!وهو في الدوريه...!!
وكل شوي ينزل ويسألنا اسئله مدري وش تبي..!!
وكل شوي يجي ويناظر السياره..!!
وشوي ويجي واحد من ربعه..!!بدوريه ثانيه..
ويقوله..::وش رايك نمشيهم والا لا...؟!
خويه برضه جلس يسأل فينا شوي وتحقيق الين فكنا الله منه..!!
المهم بعد ما انطقينا سااعه خلانا نمشي واحنا محملين بــ هالقسايم..!!
والحمد لله وصلنا لـ سدير بحفظ الله ورعايته..
المقصد من الموضوع.........ليه رجال الشرطه الموقرين..!! يخلون الواحد
ينطق ويتأخر وفي الاخير يصكونه بقسيمه...؟!
ان كانك بتعطي قسيمه عطني اياه من اول وخلني امشي...!!
ليه تخليني انتظر واتأخر عن مشاويري وعن مواعيدي..؟!

آآآسف على الاطاله لكن من القهر اللي فيني والله..
والله يصبركم يــ أهل الرياض....!!

لاتواخذوني ياشباب على الطرح الغبي

بس نقلت اللي حصل بالحرف..