قبل امس يقلـون بـه نـادي يسمّـى الزعيـم
سافـر لجـدّة وجـا لـه ضربـةٍ موجـعـه
قابـل عميـد النـوادي الاجـودي والكـريـم
حلمـت بالحلـم لـكـنّ اخــره مافضـعـه
ليلـه وليلـه وليلـه ليييييييييييـل كلـه ظليـم
كيتـا وكيتـا وكيتـا ، نــور يامـاروعـه
يالمـوج الازرق جماهيـرك تـقـل ياعلـيـم
تقول لي عين وانـا اضحـك واقـول السّعـه
زعيم ، جنّ الملاعب ، صار عظمـك هشيـم
باطـراف عـدّه حسـب ماقيـل ومجمّـعـه
زعيم وش صار لك لاكون انا في ( دريم )(1 )
جيـت بـدروبٍ عليـك كـثـار ومضيّـعـه
نادي الوطـن ياذكـي خـلاّك ترجـع غشيـم
يامـن تحدّيـت لـه وش فيـك ماتصرعـه ؟
نادي الوطـن شتّتـك وبسيفـه اللـي صريـم
جنحانـك مقصّـصـه واطـرافـك مقطّـعـه
جيـت بشراعـك وتتكبّـر وناسـي النعـيـم
ورجعـت للعاصمـه لكـن بـدون اشـرعـه
ريّسـك ذا اوّل تحـدّى جـاه جـرحٍ ألـيـم
وبعـد المبـاراه صـوتـه مـاحـدٍ يسمـعـه
وصحيت مالحلـم وانـا اسمـع لهـدرٍ عظيـم
واحـد ثنيـن وثـلاثـه واربـعـه واربـعـه
ياراعـي الاربعـه خـذ علمـي اللـي حكيـم
نـادي الوطـن قـال سيارتـكـم مقربـعـه

الرد
فاز العميد الجريح بجولة يا فهيم
ما هيب تشفي جروحه والخبر تسمعه
الجرح غاير وله تاريخ وانته عليم
ما هوب فوز معه فيتو يبى يرفعه
الجور مشهود للي فهمهم في السليم
واللي يردد مع المتعصبين إمّعة
يا هيه هذي البطوله لأهلها من قديم
ما هوب فوز تحسبون البطولة معه
افرح بفوز يشب النار وسط الهشيم
والوعد قدّام والتاريخ بيجمّعه
من هو يحاول يهد طويق فهمه سقيم
عنز تناطح جبل بقرونها تجبعه
افرح بفوز شبيه الكاس أو سيم سيم
شامان لا طاح قامت فوقه الزوبعة
هدف يند أربعه من ياسر اللي عديم
شكله عديم يحط القول يا مسرعه
قناص لا صاب رميه ما يقوم الخصيم
ويجيب كل الغنايم والسعد يتبعه
ذولا نجوم الهلال اللي يحبه يهيم
من كثر ماجمّع الكيسان متنوعه
كل البطولات جمعها ولا هو رحيم
ما يرحم اللي يقابل بالندم يجرعه
روّح ترى فوزكم يا هيه شبه العقيم
ما جاب كاس ولا دوري ولا دردعه

ارجو نقلها لمنتدى جماهير الزعيم