ادخل واعرف الحقيقه كامله عن حركة التايب .. وهذي جزاة فيصل عبدالهادي
مساء الخير لكل الزعماء ...
مساء الزعامه التي نريد ...
مساء الزعامه التي لاتأتي الا من أصعب الطرق ...
نبدا بقضية طارق التايب وجريمته الكبرى
لا تتوقعون انها ( البصق ) فهذا امر عادي وطبيعي في ملاعبنا
واسألوا كيتا ونور ويعلمونكم
جريمة التايب الكبرى هي
( 
حـب الـهـلالــ ) الله يهديك يابو نادين تحب الهلال وتحرق نفسك علشانه ماقلنا شي ..
لاكن انك تطلع على اللوحات الاعلانيه بعد الهدف وتقول للجمهور انك تحبهم وتذكرهم بالتوقيع هذي جريمه !!...
ومالوم سعد الكثيري يوم عطاك عليها كرت اصفر والمفروض انه يعطيك احمر (حتى لو كان هالكرت ماهو في نظام الفيفا اصلا ) ..
يابو نادين يعني انت ماتدري ان الشارع الرياضي السعودي كلهم يموتون بغيضهم على توقيعك وتجديدك ؟؟ , انت ماتدري انهم طول الموسم عايشين على امل انك تنتقل من الهلال وتفكهم من كباريك وتسحيباتك ؟؟
ومع هذا كله تحتفل مع الجماهير بتجديد عقدك ياخي خاف الله فيهم ..
الحقيقه التي شاهدتها اثناء المباراة وغابت عن لجنه الاستعباط وغابت عن أغلب الجماهير , وكنت شاك فيها حتى ذكرها الدكتور عبدالله البرقان على القناة الرياضيه الا وهي :
ان العلب الفارغه التي رميت على طارق التايب وهي الشرارة التي اشعلت المشاكل كانت بالضبط علبتين او ثلاث لاكن التي اصابت طارق كانت من جهه قريبه منه ( اي كانت من المضمار) ولم تكن من المدرجات واللي يشاهد اللقطه يلاحظ الشي هذا حتى على التفاتت ابو نادين وبصقه لم يكن جهة المدرج بل كان جهة اشخاص قريبين في المضمار وهذا الشيء ذكره البرقان قبل قليل ..
اذا كانت لجنة الانضباط شاهدت اللقطه وهذا شي اشك فيه ( لاني اتوقع انهم سمعوا بالسالفه بس وجوا مدرعمين) فلماذ لايتم استجواب ادارة الملعب وادارة الوحده عن الاشخاص الموجودين داخل الملعب مع انه شيء معروف انه ممنوع وتم معاقبة مدلك الفريق الهلالي على هذا الشئ ؟
القضيه الثانيه وهي نقل مباراة الهلال القادمة خارج أرضه ..
اولا : المباراة التي حدثت فيها المشكلة كانت على ارض نادي الوحده اي بمعنى ان نادي الوحده هو المسؤل الاول عن التنظيم والامن داخل الملعب وان الهلال هو الضيف فقط فكيف يتم محاسبة الضيف على شئ لا يملك التصرف فيه ؟؟
ثانيا : معاقبة الهلال باللعب خارج أرضه انت تعاقب جمهور الهلال في الرياض مع ان مالهم علاقه في الموضوع , والادهى والامراذا كانت المباراة الجايه مع الاتحاد بتكون في جده مباراتين وبيحظرها نفس الجمهور اللي في مكه لان اغلبهم جايين من جده وهذا هو الجمهور اللي انت اساسا معاقبه !!!!!!!
أغلب الجماهير الهلاليه حطت اللوم على الأخ فيصل عبدالهادي وانه مسوي الحركه هذي ضد الهلال , وللتوضيح له ولهم :
الهلال هذا الموسم يلعب أفضل مبارياته خارج أرضه بل انه لم ينهزم خارج أرضه ..
المباراة القادمه قد تكون في الدمام أو جده وفي كلا الحالتين جمهور الهلال بيكون أكثر حظور وفاعليه من جمهور الرياض ..
المباريات التي يتم معاقبة الهلال فيها والجميع يذكر عندما لعب الهلال في حايل وعندما لعب في الرياض من دون جمهور كلها يفوز الهلال وبقوه ..
فهل مافعله ( الأمين ) 
اضر الزعيم ام افاده ؟؟ وهل هذي جزاة فيصل عبد الهادي اللي حس ان جمهو الهلال بدا يمل من البطولات وحب يسوي اكشن بسيط علشان يطلع للبطوله طعم ؟؟؟
