الموضوع: تعال دردش معنا << وخليك كوول على طوول هع
مشاهدة مشاركة بصفحة مستقلة
  #1  
قديم 25/04/2008, 12:31 AM
MiSs Ro0oRo MiSs Ro0oRo غير متواجد حالياً
موقوف
تاريخ التسجيل: 06/10/2006
المكان: الريـ قصيميه ـاض
مشاركات: 5,822
Talking تعال دردش معنا << وخليك كوول على طوول هع
سلااااااااااااااام

نبي نطلع شوي من جو المباريات والاشاعات ونفتح موضوع نتسلى فيه مع بعض

وجاتني فكره الصراحه وحبيت تشاركوني فيها

وهي .. اذا عندك موقف طريف او يفشل او يضحك او اي شي مع احد لعيبة الهلال يسدح موقفه هنا << في اي مكان في النادي او برا النادي او اي مكان

اهم شي نبي نضحك مع بعض ونشوف مواقفكم مع لعيبة الزعيم









ويلاا خلووني انا اول وحده ابدا

في الاجازه الصيفيه تقريبا وكانت الساعه معديه الـ 2 في الليل واحنا في الطريق وقفنا عند بقالة محطه ونزلو اخواني المبزره يشترون لهم كم خربوطه على ذوقهم وحنا ( اقصد انا وخواتي وماما ) كنا في السياره

ولفت نظر اختي ياسر القحطاني في سيارته يستنى العامل يجيب له الطلب حقه << ما انتبهت شنو طالب هع

والمهم .. اختي شهقت وكانت السياره بتنفجر من كبر الشهقه وبما اني جمبها جلت تظربني وتقولي ياسر اقولها وييين تقول ياسر << ما اخذت منها لا حق ولا باطل .. بعدين يوم الرجال حرك السياره قلت لها هاذا ؟؟ قالت ايييه ,, ومن عربجتي المعروفه اعطيها ذاك البوقس على بطنها واقولها ليييش ما قلتي لي من اول عشان انزل اروح له وماما كانت بتطيح من الضحك وتقول اعقلو ياسر ما نزل عشان ماحد يتجمع عليه تجين انتي بنص الليل والناس خدرانه وفيها النوم وتقولين بنزل لياسر عند سيارته << سمعت كلام ماما اخاف يسطرني ياسر لو رحت له وهو امكن فيه النوم هع

وهاذا الموقف الاول .. والموقف الثاني يا طويلين العمر كان عن سامي الجابر

وحنا نمشي بسيارتنا مرينا ستاربكس وكانت سيارة سامي موقفه عند الكوفي ونطينا انا وخواتي نطه اعوذ بالله بغينا نكسر سقف السياره من قوتها << متحمسين خخخخخخخخخخ

ونجلس نصرخ سامي سامي واختنا الكبيره اللي ماااش مو مره عالكوره بس لا تخافون تراها هلاليه لاكن ما تشوف الا المباريات المهمه والنهائيات

والمهم ما علينا نرجع لبربرتنا كانت اختي الكبيره تقولنا وين سامي قلنا لها مافيه سامي بس سيارة سامي .. عاد ما سلمنا من ماما تضحك علينا وتقول وانتم بس حظكم مع سياراتهم << حطمتنا

ولا يفوووتكم قلت للسواق ارجع ارجع روح لستاربكس عشان ندخل نشوف سامي قالت ماما ايش تبون فيه بنص الليل تخربون جوه لان الساعه كانت معديه الـ 12 الليل

والحين فرحتي اني شفت سيارات سامي وياسر ومااااالت على حظي البااايخ امنيتي اشوف اي لااااعب حتى لو يكون نصراوي والا اتحادي



ويلاا الحين دووووركم وخذو المايك لكم << بس بالدور لاحد يتهاوش
اضافة رد مع اقتباس