هلا شباب ..

اقول لكم الفريق منحوس استغفر الله .. يعني هالوقت نحتاج كللللللللل نجومنا .. عل وعسى نصحح مافات .. بينما الا يصير .. ميسي يخرج بازعاجات ..

اليوم الا قهرني انه فرص كثيره .. لوفرق فيها لاعب متأخر ثانيه او مبكر ثانيه على مسار الكره .. كان تغير شكل الهجمه ..

كنا قريبين جدا .. لكن .. ما العمل ياترى ..

الله كريم عموما ..

املنا بالأبطال مازال كبير .. املنا بأبناء اللاماسيا اكبر .. املنا بـ خوال الفريق ليس له مثيل ..

ماراح اقول كنا سيئ الحظ على الفرص .. لكن اقول سيئ الحظ لأننا كنا نحتاج ميسي لفتره اكبر .. كنا نحتاج ياميسي .. ميسي تسمعني يامال الصمخ والله نحتاجك ..

وتستمر احزاننا واحزان الميجور .. في كل مباراه مهمه يسقط فارس نبيل ..

بطل بريف هارت مات في النهايه ولكن بشرف .. خلنا نشوف اخرتها مع الميجور ..

تدرو الشئ الوحيد الا ارتحت له ويش .. اخيرا شفت هنري يشوت فاول .. وتدري الشي الا رفع ضغطي ايش .. اقتناع ريكارد بان ماركيز يجيد تسديد الضربات الحره ..

ريكارد .. ماركيز منتهي في الفاولات يرحم امك في ناس احسن منه تكفى تكفى .. تكفى مابغا اشوف جنب الكوره في اي فاول .. الروح الا عند ماركيز خلها في ضربات راس ووصاخة مراقبه .. بس فاولات .. ولا عاد يقرب ..

===

يتهيأ للبعض ان مايقوم به الفريق من سيطره على الكره فقط بسبب مهارات لاعبين .. ولكن يتناسوا بأن معظم جلسات ريكارد التدريبيه هي سيطره على الكره ..

اليوم خط الوسط .. الثلاثي الذي طااااال غيابه .. يعود اليوم بشكل ممتاز .. انضباط في الضغط المبكر .. وتفاني في تسيير اللعب .. وهو كان العلامه البارزه ..

كانت فيه سرعه اكبر في استرجاع الكره مقارنة بالمباريات الماضيه ..

اليوم خط الوسط اشتغل فـ عادت صورة برشلونه الزاهيه .. وعادت برشلونه 2005 ..

===

المباراه صراحه لم تشهد تبادل كبير في السجال التكتيكي .. المان اتخذ وضعية الملاكم النبيل وتقبل وضعية تلقي اللكمات .. وصمد حتى نصف المشوار .. والبارسا أخذ بوضعية المبادره .. ولكن لم يتمكن من اسقاط المنافس ..

===

الزياده العدديه الى خط الوسط بشكل متبادل الا كان يقوم بها كل من قابي ميليتي ورافا .. كانت عامل مهم في تأمين العمق .. ومجهودات الأظهره كانت جليه وجميله ..

زامبروتا اليوم ظهر لنا بلباس مغاير .. واستخدم خبرته كما يجب ..

===

ديكو وعلى الرغم من خسارته لعدة كرات .. الا ان بمحصلة الشوطين أنا راضي عن أدائه .. وحشتني وصاخة المحراث .. وحشتني شخصية النحله .. وحشني خبث ديكو المايسترو ..

===

عقب انتهاء اللقاء .. خلال استوديو الغفله جابوا مقابله سريعه مع كيروش .. وقال .. الأمور مشت كما نريد .. وأنا واثق من أن الأولد ترافورد سيكون صعب عليهم وسنصل الى النهائي ومن هالكلام ..

والله ياسيدي ..

لا من عادتي الغرور ولاالثقه الزايده ولا الهياط .. لكن عناد هالمره .. باهايط .. وباقول قابلني عقب انتهاء المباراه والله يستر بس .. بس علشان تحترم مره الثانيه الخصم ..

===

اعتقد بشكل عام .. ريكارد قدم مباراه جيده .. هو سيناريو متوقع مسبقا بـ ان المان سيدخل بهذه الطريقه .. لانه هذه الطريقه الا قاعدين نشوفها من كل منافسي البارسا .. الجلوس بالخلف .. وشرب الشيشه مع الحارس .. لكن بشكل عام .. خلقنا فرص عديده بفضل التحركات الجيده .. لكن لم نسجل شيئا ..

نوعا ما فيه تأخير في التبديلات .. لكن الحمد لله على كل شئ ..

الشئ الايجابي اننا لم نتلقى هدف .. فـ بالتالي المباراه قابل ان تأخذ مجرى غير محبب للمان يونايتد ..

===

افضل لاعبي البارسا هم

اينييستا

توريه

والله احبك ياتوريه

تشافي

===

تدرو .. حرام احط لاعبين افضل من لاعبين .. لأن الفريق قدم صوره مشرفه لاسم النادي .. قدم صوره مشرفه لتاريخ النادي .. قدم صوره مشرفه لمتعة كرة القدم ..

شكرا جماهير الكامب نو .. مباراه جميله جدا منكم .. نريدكم هكذا دائما .. ولانريد المناديل البيضاء المزعجه ..

بقي جزء آخر من المعركه .. أرجوكم .. تعادل ايجابي او فوز .. سيجعلنا أول الواصلين لموقعة موسكو .. أرجوكم من أجل موسم مغاير