صراحه شي عجيب اللي قاعد يصير والله حاله بعد كل مباره بالرياض
تطلع لنا فئه مهايطه مالت عليكم وفشلتونا ومدري وش من هالكلام حق اولى ابتدائي
الحين جمهور الرياض ماعاد يعجبكم الحين جمهور الرياض الوحيد بالمملكه اللي ملأ الاستاد
من الباب للباب ماهو عاجبكم
انا سبق وقلت لكم وش الحل بس لأني انا مو فلان او علان من اللي تتثبت مواضيعهم
ماحد اهتم الحل ببساطه ان الهلال يفتح الابواب بمبارياته والله لو تقام بعد الفجر انكم تلاقون
الملعب فل اما انك تحط لي مباراه مع اول يوم رجوع للمدرس واللي كان مسافر راجع واللي
عنده ضروف ما يقدر يجي واللي واللي واللي
هذا الحل واتمنى ما يطلع احد ويقول اللي معوش مايلزمووش لأن مو كل الجماهير معاهم
اما الاصرار على الوضع الحالي انسى الحضور الا في النهائيات .... ولكم بالجار عبره
