نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ღ εïз ღ فعالية ومسابقة توحيد الأقلام . ღ εïз ღ

ابو طـــــلال · #33 18/04/2008, 11:09 PM

يامرحبمبم ...

انتم لابغيتوا تحطون فكرة .. قولوها بالعامي .. ربعنا مهوب راعين لغة فصحى ...

اسمحولي انا افهمهم بطريقتي ..

هذا سلمكم الله فكرة من ( السلمي ) = سليمان = سيمو ... و ( شذى ) عين راعية ( دمت بود ) وهم استشاريين عندنا

الفكرة ان كل واحد يبداء يدور له خوي ويكون مجموعه من ثلاثة اربعه أعضاء ؟ >> صح ؟

.. هالمجموعه يصير لها قائد .. يختارونه .. وبعدين يتفقون على فكرة أو موضوع.. هالفكرة متروكه لكم .. تبونها رومانسيه .. تبونها رواية .. تبونها تحقيق .. موضوع اجتماعي .. موضوع هبال وهستره .. اي شي تبونه مقبول في هالفكرة .. طبعا فيما لايتعدى الخطوط الحمراء وانظمة المنتدى ..

وبعدين اذا اتفقتوا .. راسلوا واحد من هالإستشارايين .. وعطوه موضوعكم وراح يتثبت .. ومنها الناس تشوف وش اجتمعتوا عليه .. وموضوعكم وش هو من لحية

... ويحصل مقارنة .. او مسابقة .. او تفضيل .. او تصويت عاد اللى هو

.. المهم اللى يستحق الإختيار والإعجاب يبي يصير مع موضوعين ثانين ظمن الفائزين .. عاد وش يفوزون فيه مدري ..

فكرة زينه ؟ فيها عمل جماعي ... واحلى مافيه الموضوع ان شذى تقول .. كل مجموعه من جنس واحد لعدم الإختلاط .. وهي مختلطه مع سيمو بفكرة هالمسابقة .. وإلا معك محرم هع هع هع ( صدتك بهذي خل عنك )

لا خليهم عادي يختلطون ..كل وحده تجيب البرقع وإلا محرم وتتوكل على الله .. هذا عمل

الشي الثاني ... ابدأو بالعمل وراكم ميتين ؟؟ راح شهر ونتم شكرا .. يعطيكم العافية !!؟ اخلصووا نبي نشوف المواضيع ؟؟

الشي الخامس >> مضيع

... إذا تأخرتوا ماضبطتوا اموركم ترى بشارك ... أنا ودي اشوف وجية جديده .. وإذا الوجية الجديده مستحيه خلاص نشارك حنا يالوجيه المغبرة القديمة

بالتوفيق للجميع ..

اتمنى أني قدرت اساعد الأخوة اصحاب الفكرة في شرح فكرتهم .. للبسطاء مثلي .. واللى يفهمون بالكلمة البسيطة الدارجه ...

دمتم في رعاية الله وحفظه ..

سميو .. شذى .. عاشق ابو يعقوب ؟؟ >> إختلاط عينك عينك .. وإلأا حاطين بينكم ( بارتيشن )

يعطيكم الف الف عافية .. وبصراحه عمل جميل .. واول مره ادخل واشوف هالموضوع بس اعجبتني .. والحلو فيها اننا على الأقل نشوف أعضاء وأسامي جديده .. عندهم إبداع بس ينتظرون فرصه ..

وهذي أحلى فرصه لكم .. توكلوا على الله

بانتظار ماتسفر عنه النتائج ..

تقبلوا مروري ..

اخوكم الصغير ابو طلال

إللى وده يشارك معي بموضوع ( ساخر ) يراسلني .. انتظره