اول شي مبروك البطوله .. ومبروك نتائج الاحصائيه .. وقريب نبارك للزعماء بكاس الملك ان شاء الله ,,

إقتباس وبوضوح أكبر .. بقاء كوزمين وتفاريس والتائب .. هو الأهم .. ثم يأتي البحث عن نجوم محليين وأجنبي ثالث كبديل لليلو .. وكل ما أخشاه أن ينشغل الهلاليون في نهاية الموسم بأمور إدارية .. على حساب الأمور الفنية .. كما حدث في الفترة التي جاءت بين رئاسة بندر بن محمد وسعود بن تركي وفقدنا حينها يوردانيسكو وسيرجيو .. مما صعب الأمور حينها على الهلال !

كوزمين نعم لازم يجلس لإن الاستقرار بعالم التدريب يصنع المدربين .. وعندك مثال جوزيه مدرب الاهلي المصري .. مفلس فنيا ومع مع كذا حقق انجازاته بالاستقرار!
وتفاريس ( L ) كمان مافي انسان عاقل ممكن يبرر عدم التجديد معه .. اشوف فيه اهم اسباب الانجازات الهلاليه من موسم 2004-2005 ..

لكن التايب - مع احترامي لعاشقه - استمرار وجوده غير مبرر لأساب كثير منها :

* اصابته الكثيره وتقدمه بالسن يمنعه من الاستمرار برتم واحد بالمستوى .. وانتم عارفين جدولة المسابقات عندنا مايحتاج اتكلم
* مشاركاته مع منتخب ليبيا ممكن تحرجنا الموسم الجاي مع اقتراب تصفيات التأهل لـ 2010 .. وهالسنه الله لطف مبارة الاتفاق واعتذر ابونادين عنها !
* المبلغ اللي يدفع له ممكن بقيمته تجب اجنبي صغير بالسن يحرث الملعب .. وماعنده ارتباط مع منتخبه .. واكثر فائده للفريق !

إقتباس ** يحسب للهلاليين وجهازه الفني بالذات بقيادة كوزمين .. أنه حقق هذا الموسم .. حتى الآن بطولتين من العيار الثقيل .. وأخرج مواهب رائعة كعبدالعزيز الدوسري والفريدي والكلثم و حسن خيرات وسلمان المؤشر وصالح الدوسري .. أي أنه جمع بين البناء الواضح والمفرح وبين تحقيق النتائج الوقتية والبطولات الضخمة .. رسالة شديدة اللهجة لمن يتحدث منذ عشر سنوات وأكثر عن البناء مستغفلا جمهوره .. لاشفنا بناء ولا شفنا بطولات !!

بصراحه هنا يبان الفرق بين الانديه الكبيره والانديه الصغيره !
انا عني شخصيا وبعد ماشفت هالاسماء الصاعده كنت اقول حتى لو مانحقق بطوله هالموسم يكفينا غيرنا جلد الفريق وطلعنا اسماء شابه ..
( غيرنا لما حاول يجدد بفريقه نافس على الهبوط ) .. لكن يبقى الزعيم زعيم .. وكان من اسباب حسم هالبطوليتن هالشباب اللي مامثلوا الفريق الاول الا هالسنه !

كل اللي محتاجينه هو المحافظه على هالشباب واعطائهم الفرصه كااااااملة حتى لو اهتزت النتائج الموسم الجاي .. اهم شي مانخسرهم !
كلنا يتذكر كيف كان مستوى الصويلح والعنبر لما كانوا يلعبون بانتظام وكيف اصبح مستواهم بعد ما هدت حيلهم دكة الاحتياط !

إقتباس ** معاقبة كيتا بالإيقاف مباراتين .. يؤكد أن البلاء ليس في اللجان .. وأتحدى إن كانت اللجان هي من تعاقب أو تحدد العقوبة ومدتها .. وأحسن الله عزاءنا بنقاء الرياضة !!

على السيره ,, استغرب من الهلاليين تجاهل الفضيحه اللي صارت يوم اعلان نتائج الاحصائيه باتصال مسئول الاستثمار بالرئاسه للتشكيك فيها !!!
يعني ما اتوقع اننا ممكن نشوف اكبر من هالفضيحه ... مسئول حكومي يتصل للتشكيك بالاحصائية لإن النصر انفضحت جماهيرتيه المزعومه فيها !
المفروض يتم التركيز على هالشي وعلى ( غباء المسئول ) اللي كان يحاول يرضي اللي اكبر منه والنتيجه فضيحه امام الملايين !




مواضعيك قمة في المتعه اخوي الغريب , لاتحرمنا منها