نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - دوري الروابط - نتائج- مقتطفات- غش تحكيمي /الخ

S U L A I M A N · #11 18/04/2008, 04:38 AM

السلام عليكم

طبعا طبيعي في بداية أي مشروع أو مسابقه أو أي شي يكون فيه بعض النقص أو بعض الأمور الخارجه عن الاراده .. ما أقول فشل لأن الفشل معناه عدم اقامة المباراة من أصله .. طبيعي بيكون فيه بعض الأمور الي ماكنا متوقعينها .. كل هذا حصل لعدة أسباب خارجة عن الاراده جميعها .. لكن نوعدكم في حال صار زي هالتجمع اننا نحاول تلافي هالاخطاء أو النقص الي حصلت .. طبعا نعتذر للأعضاء أيضا بسبب عدم طرح الموضوع او الفكره بوقت كافي للجميع حيث وردتنا عدة اتصالات تعتذر بسبب ضيق الوقت وعدم وجود حجوزات أو او .. الخ ..

أجمل مابالموضوع بصراحة هي اننا شفنا الوجيه السفره وتعرفنا عليهم .. مابي اذكر اسماء لاني نسيت البعض ومابي اذكر البعض واترك البعض الآخر ..

بلو شيرت كان من ضمن الطاقم الفني هو وانتريستا

..

بالنُُسبه للمباراة .. فـ صاحب الموضوع ماذكر نقطه هامه جدا .. ألا وهي حصولي على بطاقه صفراء

لكن السؤال هنا ليش هالبطاقه !! انا شفت شغلات جدا غريبه بحياتي لكن انك تلعب مباراة ويتوقف اللعب ربع ساعه علشان تبديلات ! هنا الغرابه صراحة

الشباب الي تبطحوا والي راح يشرب ماء والي يكلم جوال ! اي تبديل طبيعي بيكون سريع سريع والمباراة جاهزه .. فـ كنت اناقش الحكم وأقول له انه لازم يكون اللعب حامي حامي ومانبي نهبط عزيمة الشباب

والدعوه فيها لياقه يعني اذا اخذ راحه شوي طبيعي بتخف لياقته وحماسه ! .. وأخذت كرت أصفر ليش مادري

حتى مولع بالهلال أخذ كرت أصفر ليش مادري

انتهت المباراة وبعد كذا صار فيه أخذ وعطاء بين كذا لاعب من فريق الانجليزي ولاعب من الاسباني ( تبع الانجليزي قال والله لو نلعب ثانيه ان نصككم عشره !

وأسدحك هنا وأخليك مضحكه

) تم الرد عليه من قبل الاعب الثاني بقهقهه سمع دويها من في آخر الملعب

فتم الاتفاق على لعب مباراة ثانيه بعد هالمباراة واعتذرت انا وقلت ماوالله ألعب تلعبون بعشر لاعبين بكيفكم بس انا طفيت

جاب لاعب ثاني غيري ولعب بثوبه حارس .. .. .. دقت الكوره في البداية ورجعوها للدفاع ( للي يقول بنفوز عليكم عشره .. تحديدا ) وجاه مهاجمنا ولقمه كبري و.... ! هدف !

وين الهيط ووين ووين

طبعا لاعبيننا منهكيييين عالآخر ولاعبينهم فيهم ثلاثه جديدين مالعبوا كثير وغير الاعبين الي طلعوا في المباراة الي راحت والي بسببها اخذت كرت اصفر

وبآخر ربع ساعه طلع مننا لاعبين بداعي الانهاك الشديد وانتهت المباراة بفوز غير منطقي لهم ( تراي مالعبت لاحظوا

) ..

عموما كانت تجربه جدا حلوه بصراحة تشرفنا فيها بمعرفة الشباب .. ولو اني نقدت على البعض بعدم ابلاغنا بعدم المقدره على الحظور .. أو ابلاغنا بفتره جدا وجيزه قد تكون اثناء المباراة حتى .. لكن أهي تجربه .. وان شاء الله تتكرر في مرات عديده وتكون بتنظيم أفضل وقبل بوقت كافي أيضا ..

ألف ألف شكر لكل من تواجد في الموعد .. لايسعني حاليا ذكر الأسماء التي حظرت ولو انه كان بودي حصر تلك الأسماء .. شكرا لكم من الاعماق على التجاوب ورده ..