نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - .... «®•°•ღ•° هنــوفياتــي ( 4 ).... «®•°•ღ•°

هلاليه سنعه · #17 17/04/2008, 07:20 AM

عدنا بعد ماخف الصداع

إقتباس


	اتوقع اغلبيتكم توصله مثل هالرسايل سوا بريد او رساله جوال او عبر المسنجر غصب يعني ارسلهااا لعشره ومدري كم

ياكثرها والله انا اول كنت اطنشها ماارسل
بعدين صرت ارسل مو القصد عشان الكلام اللي يقولونه
بيصير وبيصير لك .. القصد الفائده والتذكير
اتوقع الافضل عند ارسالها مسح العباره الاخيره
بعد التاكد من صحة الادعيه المأثوره او الاحاديث الشريفه
جزاتس الله خير هنووووفي على الفتوى ان شاء الله بتفيد الجميع

..

إقتباس


	فأن السعيد هو الشخص القادر على تطبيق مفهوم ( الرضى بالقضاء والقدر) ويتقبل الاقدار بمرونة وايمانلايفرح الإنسان لمجرد أن حظه سعيد فقد تكون السعاده طريقًا للشقاء والعكس بالعكس والاسلام الحنيف يؤكد على ذلك فإن مع العسر يسرا وكذلك رب ضاره نافعه والتـغــــــييــر يبــــدأ من الداخــــل الانس ثمرة الطاعة والمحبة ..فكل مطيع لله مستأنس... وكل عاص لله مستوحش

كلااااام رائع خيتي وفيه من الحكمه والفائده الشئ الكثير
الايمان بالقضاء والقدرالركن الخامس من اركان الايمان
كما دل على ذلك حديث جبريل عليه السلام عندما سأل النبي صلى الله عليه وسلم عن الإيمان
فقال : ( الإيمان أن تؤمن بالله وملائكته وكتبه ورسله وباليوم الآخر وبالقدر خيره وشره من الله تعالى ) متفق عليه
وقال صلى الله عليه وسلم
( كل شيء بقدر حتى العجز والكَيْس ) رواه مسلم .
والمراد بالعجز الكسل عن أداء الأعمال ، والكيس : النشاط والحذق في الأمور
والمعنى أن العاجز قد قُدِّرَ عجزه ، والكيِّسُ قد قُدِّرَ كَيْسُه .
وقال تعالى :( وعسى ان تكرهوا شيئا وهو خيرا لكم وعسى ان تحبوا شيئا وهو شرا لكم والله يعلم وانتم لاتعلمون )
سبحان الله الاغلبيه منا لمايحدث له موقف سئ او مايتحقق له شئ
يندب حظه وخلاص تكون نهاية المطاف بالنسبة له
اما لو نظرنا للجانب الاخر لأكتشفنا امور غائبه عنا
ودرووس وعبر تفيدنا في مخزون تجارب حياتنا
ومثل القصه اللي ذكرتيها هنووف كثير تصير
سبحان الله .. يبدل الله من حال الى حال ..
والخيره فيما اختاره الله ..

إقتباس


	أمامك ثلاث مواقف ,, وفي عينك دمعه وحده.. على أي موقف تسقط دمعتك وتبكي عليها,,؟

هنوفي الله يصلحتس دموعنا ماتستأذنا
تنزل وتمشي بطريقها من غير اشارات

فكل المواقف اللي ذكرتيها تقطع القلب
ولا اقدر احدد ...

إقتباس


	مالأسباب التي جعلت هذا الشر في مجتمعاتنا؟ الاسباب مثل ماتفضلتي وازيد عليهاالانشغال بأمور المعيشه الرجال وزوجته يشتغلون والعيال يدرسون اذا رجعوا يالله يكملون واجباتهم الاسريه هذا ايام الاسبوع .. اما في عطلة نهاية الاسبوع الزوج مع اخوياه في الاستراحه والمدام يافي السوق ياعند اهلها وبكذا مافي وقت .. وزياده البعض ماصار يحب احد يزوره .. يجيه روعه لاسمع ان احد بيسيّر عليه .. والقائمه تطووول .. ولكن لنحاول ان نجعل صلة الرحم عنواننا.. لتطول اعمارنا على الخير بإذن الله ..ويزيد رزقنا ..ويبارك الله فينا.. هل القطيعة تعتبر حل من الحلول التي تأتي لحل المشكلات بين الأسر؟ لا مايعتبر حل بل هذا اساس المشكله وزيادة تشعبها هل الهاتف يسد عن صلة الرحم والزيارة؟ الهاتف احدى وسائل التواصل لكن لايغني .. هل مشاغل الدنيا لسبب مقنع لحدوث القطيعة ؟ جاوبت عليه فووق مهوب مقنع بس الناس اقتنعوا فيه وخلووه هو الواجهه اللي يتعذرون فيها عن اخطائهم .. فالانسان اللي بينظم نفسه راح يلقى وقت لكل شئ ..

إقتباس


	مقطع لـ واحد هندي ماشاء الله يقرا أيه بصوت السديس وأيه بالشريم بشكل متواصل

سبحان الله تقليده للسديس كانه هوووو ماشاء الله عليه
اما الشريم مقارب له ..

إقتباس


	بعد الاقناع من حضره سموي الحمد لله اقنعت ابووي نروح نغير جو بالشرقيه يومين ثلاث تغيرر جوو

ماشاء الله اجل مثلنا بس حنا اللي خلانا نهووون
ان الناس بينكبون فيها ومهيب ساويه والخبر صغيره
وكلش يبيله سرا مالين من زحمة الرياض نجي هناك وننفجر

بس حلو غيرتوا جو الله يخليكم الوالد ويحفظه..
ومشكوره على الصور الحلووه ..
والله يبارك لك بعمرك .. ويجعله على الخير وطاعة الرحمن ..
وعقبال المية عام

..

هنوف والله مستحيه ردي طوويل من زمان مارديت رد وناقشت فيه كثير

مقدرت اخلي شئ ولا اعقب عليه

يامال العافيه والله ولاتقطعينا عاد بالمواضيع هماه

دمتي بخير ..‘‘