هلا والله بكم ..

saz...bat ..

إقتباس أكيد انك تمووووووووون عليه والا كان كانت علووووووووووووووووووم ورياضيات وفيزياء

الحق .. منيب أمون هاك الميانه اللي عليها الكلام ..
بس البارق كتاب مشقوق .. لكل الناس ..
والعلوم .. لا تذكر بعض الناس بس ..
تحياتي لك ..

غروده ..

إقتباس إيه إيه أكيد تمون

الظاهر كاني منيب غلطان أنك غروده منتب صدى الامس ..
<----- وش تبي أنت ووجهك
------> آسفين طال عمرتس ..
تحياتي لتس ..

ابو العلالي الهلالي .. عفواً ..

البارق .. هلا بك ..
هلا والله براعي السطووووووووووووح
أقول ما ودك تجي ترركب لنا دش توي شاريه

إقتباس وكان فيه أحد يستحق الشكر فهو أنتم يا اعضائنا الأعزاء ..

غصب عليك
<---- ماودك يخش جو صح

إقتباس حبي تيماوي : أدري ان الموضوع خاص فيني بس اذا فيه إمكانية نثبته <--- خايف من حبي تيماوي ..

تعرف هو شايبنا ولازم نحترمه ..
تحياتي لك

هلا بك عــــ الهلالي ــارف ..

إقتباس اخوي صدى الامس سلامات وش فيك ...

أبد توني مفطر فول ومعه لبن يالله من فضلك ..
فيه شئ ما فهمته بردك أخوي عارف ؟؟؟!!!؟؟؟ حسيت أنك كاتب طلاسم مهوب كلام ..

إقتباس تدورن وعندك واحد شااااااااااااااااي لحبي تيماوي

وشي ذي تدورن !!!!!!!!!!!!!!!
الله يخلف عليك بس ... الحين ما أفتكينا من البارق تجينا أنت :sad: .. لا ومن زين الطبايع راعي خواطر بعد :sad: ..
الظاهر هالبلى مهوب منك من هالكاريكتير اللي تنزله كل يوم ..
تحياتي لك ..

هلا برق الزعيم ..

إقتباس تحياتي اخوي 000صدى000على هيك صيدة00

هلا بك يالغالي ... وحنا ما سوينا إلا الواجب
<--- ياشين اللي ما عرف يرد بس ..
تحياتي لك ..

هلا والله وغلا بالخديوي ابو الذهب ..

إقتباس ماشاء الله رقيتو البارق من مشرف الى قهوجى والله الواسطه عنده

شفت الواسطات وش تسوي من مشرف أد الدنيا إلى قهوجي ..

إقتباس افا يذا العلم وانا احسب الاعصار شى مهم وطلع مراسل

أنت أكوس واحد ;) .. يازين اللي فهمها وهي طايره .. هذا اللي ودي أقوله من زمان
<---- عز الله راح اليوزر
تحياتي لك يالغالي ..


هلا والله بغريبووووف1 .. ما لنا غنى عنك ;) .. نحتريك ..

<---- كنه ما شاف رده ..

هلا حبي تيماوي ..

إقتباس @ لكن اسمعها مني كلمة وأنا أخو ابو سليمان إن شافتك عيني بذاك المكان مرةِ ثانيه لطلب من الامير بندر يكرش البارق ويخليك مكانه قهوجي

ما يمديك .. كان يشيلكم ابو فهد ويخلي البارق ..
ابو فهد من شروط العقد بينه وبينكم إستمرار البارق قهوجي الإدارة ..

إقتباس @ تدري اخوي صدى قبل أمس ..... زين إنك طلعت بدري ولا بتشوف فضائح أنت ما شفت هلالي الجوف والعوام وش وضائفهم هناك والحمد لله إنك شفتني مراكي العميد ابو سليمان وصب قهوه يالبارق

الله يستر بس ..
ياما تحت اليوزرات دواهي .. وما خفي كان أعظم ..
تحياتي لك ..

هلا بالغانم .. يالله حي القطوع .. وين ما تنشاف ..

إقتباس عزّ الله انك صدى الدجه

شرحك سرى

إقتباس اطالب بتثبيت الموضوع في جميع منتديات الشبكه لما للبارق من افضال عليها

هذا الكلام اللي عليه السنع .. وهذا هو المطلوب .. وتصدق عاد لو يسونها الإدارة كان كاس ولي العهد والدوري مهيب طالعه من لعيبتـنا .. تعرف تأثير البارق النفسي على اللاعبين ..
تحياتي لك ..

هلا والله بعــــ الهلالي ــارف ..
أقول ما تلاحظ أنك قاط في الموضوع
<----- شانت الأخلاق ..

هلا بغريبوووف 2 .. يالله أنك تحيه ..

إقتباس ولو ياصدأ الأمس

أنا خابر مدرس اللغة العربية يكون ذهين ومصحصح .. الظاهر اليوزر قدامك مكتوب صدى مهوب صدأ ما أقول إلا الله يخلف على الأجيال اللي تبي تطلع من عندك
شف يا غريب باشا .. كلامك على عيني وراسي لو أنك الغريب اللي أخبره مهوب الغريب التالي :sad: .. ذيك الساعه كلامك على العين والراس بس مادامك صفيت جمب البارق مالك لواء ..

إقتباس بس تتهم البارق بهالاتهامات وتدعي عليه لالالا

الحمد لله الأدلة والبراهين قدامك .. اللي له عقل ويفهم يشوف ويعرف واللي مهوب عاجبه يشرب من البحر الميت ..

بالنسبة للقرار الأول قلت ياولد خل أشوف عندهم سنع وإلا لا ؟؟ وحاولت أسويه وجاني الرد هذا ..

القرار الثاني .. يعني كذا ما يمديني أكتب ولا موضوع حتى ولا رد
لذا أطلب من مجلس الأمن الإعفاء من القرار الثاني وإلا تحملوا ما يجيكم ..

القرار الثالث أحسن قرار
الرابع الظلم شين ..

تحياتي لك يالغريب .. وبعدين أحد يزعل من نبض الشارع الهلالي ..