مساء الخير
هارد لك يازعماء التعادل .. والوعد ان شالله في جده
المحور الأول :
هل وفق المدرب بأختيار التشيكلة المناسبة للمباراه؟
وهل تم توظيف اللاعبين بالشكل المناسب؟ وما رأيك في تغييرات المدرب كوزمين؟
برأيي ان المدرب حط كل اللاعبين الي يقدر يحطهم في تشكيله اليوم .. وكان واضح بأنه يبغا يفوز في هذا اللقاء.. لفت نظري اشراك الدوسري لتقديمه مستويات جيده في البطوله الي راحت..
احس ان المدرب كان متناقض شوي.. بانه كان يدور على الفوز ولعب بمهاجم واحد
تغييرات المدرب كانت جيده ... بإستثناء دخول الغنام بديل عن الدوسري الي كان مبكر اذا كان يبغا يبقي على نتيجه التعادل
وكان يقدر يدخل الشلهوب بدل التمياط لتحريك الوسط شوي
المحور الثاني:
هل ترى أن عودة ياسر للهجوم أعاد لهجوم الهلال هيبته وقوته ؟ وهل مشاركة عبدالعزيز الدوسري وأحمد الفريدي زادت قوة الضغط الهجومي الهلالي أم أنها كانت مغامرة غير محسوبه من كوزمين؟
ياسر اليوم ماكان يومه .. وكنت اتمنى اشراك ليلو بجانب ياسر عشان يبرز شوي
بالنسبه للفريدي .. فـ كوزمين كان يشركه في المباريات الي راحت . الكلام عن الدوسري الي دخل بالأول في اول مباراه له وكانت مغامره نوعاً ما.. لكن الدوسري قدم مجهود واداء افضل من زميله الفريدي الي كان عاله على الوسط الهلالي
المحور الثالث:
ماهو تقييمك لأداء لاعبين الهلال ومن هو اللاعب الذي ترى أنه كان من نجوم المباراة ؟
ومن اللاعب الذي ترى أنه لم يقدم المستوى المأمول؟
اداء اللاعبين في الشوط الأول كان جيد جداً.. الشوط الثاني كان المستوى سيء وخاصه من الناحيه الدفاعيه.. واحمد ربي اننا طلعنا بنتيجه التعادل نظراً للمستوى الغير مأمول الي قدمه الفريق الهلالي الي بدا وكأنه تايه في الشوط الثاني..
نجم المباراه بلا منازع محمد الدعيع
اللاعبين الي لم يقدمو المستوى المأمول.. معظم الفريق صراحه وخاصه العنقري .. والفريدي .. والمرشدي الي بغا يجيب العيد
المحور الرابع :
ما رأيك في الحضور الجماهيري ومساندتهم للفريق؟ وماهي رسالتك للجمهور الهلالي ؟
حضور جماهيري اليوم كان جيد جداً.. وان شالله يتحسن في جده
المحور الخامس:
بعدما رأيت مستوى الهلال اليوم ضد الشباب هل تتوقع أن يحسم بطولة الدوري الهلال في المباراة القادمة ضد الإتحاد في جدة..حيث لابديل لنا غير الفوز
مشكله الهلال لمن تكون المباراه في يده او شي قدامه .. يستاهل وتضيع منه ودايماً يرجع ويجيبها لكن بالطريق الصعب
والهلال في كل مباراه له مستوى صراحه .. بس بإذن الله نضغط على الإتحاد وبتشكيله جيده من المدرب بإشراك مهاجمين.. التهييء النفسي والبدني الجيد للاعبين .. تحفيز اللاعبين وتوجيههم
استعاده روح الفريق الهلالي والظهور بمستوى مماثل لنهائي كأس ولي العهد...
كل هذي عوامل ان شالله كافيه لتحقيق الدوري في جده
نقطه اخيره
خالد العنقري..
انا مابغا احطم اللاعب ولا اني اكرهه كشخصه
لكن كـ مشجع غيورعلى ناديه .. ان كان النادي مقتنع فيه كلاعب محترف.. على الأقل يقعد في مقاعد الإحتياط.. لأنه مجرد .. مع احترامي الشديد.. تكملة عدد !
انتقدت مسفر في الفتره الي راحت .. لكني اطالب به بشده الحين بعد مستويات العنقري الضعيفه جداً
