بصراحة الهلال أخر مباراة فاز فيها بنتيجة كبيرة أقصد الفريق الأول أذا ما نسيت ذكروني يمكن مباراة الوطني 5-0

صحيح المدرب يعطي الاعبين أوامر بالتراجع بعد الهدف لكن ياكوزمين مهوب كل مره تسلم الجره
ومباراة الشباب راحت الا أن أبوعبدالعزيز أبا ذالك

بأختصار الهلال أيام باكيتا نشوف لاعبين المحاور يسددون من بعيد وكذالك يحاولون الأختراق من العمق

كل الأندية اللي تواجه الهلال يعرفون أن الهلال مايسجل فيه الا ياسر ولا التايب يعني المهاجم وصانع الألعاب وتحصل عمر الغامدي ولا خالد عزيز أذا تعدى منتصف الملعب يحاول يمرر لياسر ولا لطارق المراقبين من أكثر من لاعب يعني "الكورة مقطوعة قبل لا توصل"

بالعامي يحترون الكورة تمرر لياسر ولا التايب على شأن يبدون هجمتهم المرتدة واضحة

ولا يحاولون المحاور يناولون لأقرب ظهير مع الأسف الأظهره الي في الهلال ألا أذا أستثنيت الزوري هو الوحيد اللي يحاول يخترق لمنطقة الجزاء ثم يسدد ولا يناول لأقرب لاعب ولكم في هدف ياسر مع النصر في كأس ولي العهد شاهد على خطورة الهلال في الأظهرة المعطلة وهدف الزوري في مباراة نجران من محاولة تقدم وتمريرة رائعة أنفرد بالحارس و أنشغل الدفاع النجراني بمراقبة ياسر ونسوا القادمين من الخلف
(( تصدقون أول ماشفت الهدف قلت شكل كوزمين ملعب الزوري مهاجم جنب ياسر ))

تذكيّر الهلال معروف بخطة الـ 4 4 2 من زمان يمكن ما غير طريقته الا يوم جاء باكيتا لعب الهلال 4 5 1
أحمد الدوخي كان وقت الهجمة الهلالية من جهة اليمين أشبة بمهاجم ثالث ووقت الهجمة على الهلال أشبه بمدافع رابع عرفتوا الفرق بين الظهير العصري والظهير اللي أقل من عادي أتمنى كلامي هذا يوصل لجميع لاعبي الهلال وخصوصاً الأظهرة