السلام عليكم ورحمه الله وبركاته


ماادري والله من وين ابداء ... اوضاع الهلال تعور القلب ... ( صح ) اننا الافضل ... لاننا نلعب على البطولات كلها وننافس بكل قوة لكن ( من بغاها كلها خلاها كلها ) مثل ينقال صح اننا خطف كاس ولي العهد ... لكن الدوري غير وفي جده غير لاو بعد من قدام الاتحاد اللي هزمنا الموسم الماضي في النهائي على ارضنا راح يكون رد قوي ...

( الكل يقول في جده صعبه ) صدقني الصعب صار لما الازرق يلعب في عقر داره ... اداء لايرضي لا صديق ولا عدو ... فكيف يرضي عشاق الازرق

الصورة تتكرر لكن بطريقة ثانيه ... الموسم الماضي الهلال تصدر وكان ينتظر الفائز من الاتحاد والوحدة يعني الهلال كان مستريح ( لولا معسكر العين ) والاتحاد كان توه مواجه فرسان مكه ... الهلال الموسم يلعب يواجه الشباب في لقاء اقرب مايكون الى نصف نهائي الفوز او التعادل يكفينا بشرط كسب النهائي مثل مافعل الاتي الموسم الماضي ... مع الاخذ بالاعتبار الاتحاد بواجه اسبهان الايراني في طهران يعني يا هي صعبه علينا وعليهم ... من اول ماعرفت عمري والهلال فريق يعشق البطولات ... ومن الطريق الصعب ... دعواتكم بالتوفيق لهلالنا ...


قريت اليوم مقال في صحيفة الرياضيه عن الازرق اعتقد انه من افضل المقالات اللي تحدثت عن اوضاع الهلال وتفريطه العجيب والغريب في النهائي وفي لقاء القادسيه والاتفاق والشباب ...

الهلال واجه القادسيه دوريا وقلبه معلق في لقاء الذهاب امام نادي الشباب في كاس ولي العهد واراح المدرب ابرز نجوم الفريق تعادلنا هنا وهناك وخسرنا التايب والقحطاني للايقاف ثم كسبنا ايابا بنجوم الزعيم ...

اللوم هنا لا يقع على الادارة والمدرب وحدهم ... اللوم الاكبر والذنب يقع علىاللجنة الفنية للاتحاد السعودي وسواء الجدولة ومحاولة الاطاحة بزعيم رفع الراية الخضراء في العديد من المحافل ( انا في لقاء القادسية كنت اقول لو كسب المدرب فهي خطوة جرائيه وكبيره منه وتحسب له لكن للاسف تعادل وهوجم من الكل )

تكرر نفس المشهد امام الاتفاق الفريق يلعب في غياب القناص للاصابة ولكن الفريق يلعب من دون تركيز ندرك التعادل ونحن في امس الحاجة للفوز ... نلعب النهائي ويقف الحظ والتحكيم واللجنة الفنية والانضباط امام الازرق ( ايقاف ليلو والمدرب وعدم فصل البطاقات لهم وامام النصر بالتحديد )


وضاع النهائي وينجو الهلال من خسارة امام الشباب بفضل الله ثم بفضل تالق الاخطبوط ....




ارجع للمقال ( الهلال لايزال يعتقد بانه الفريق اللذي لا يقهر ) هذا الكلام فيه شي من الصحة ...واترك لكم النقاش حوله ... وايضا ان الهلال المفروض ان يلعب بكل قوته وهذا ايضا صحيح ( يقولون عصفور في اليد ولا عشرة على الشجرة )



لكن الى الان الهلال هو المسيطر على الامور لان اللقب في ايدينا اذا كنا نريده علينا ... بالكسب ولا شي غيره



اخيرا ( اتمنى من المدرب والادارة واللاعبين تمالك اعصابهم ... لانه شوهد عليهم انفلات الاعصاب بشكل غير طبيعي ... ماراح نفوز والنرفزة والعصبيه تتملكن ... التركيز والجدية مع توفيق الله اولا واخيرا هم السبيل الى اللقب )



RELAX ... RELAX ... RELAX