| إنا لله وإنا إليه راجعون
يالهاوي فتحت جروح كثير منا للحين ماشفيت جروحهم
فكما حدث للشخص اللي تحبه حدث لشخص أحبه أيضاً ولكن ياليت العلاج في المستشفيات الخاصة والمرموقة نفع !
لحد الآن ماأدري إيش المرض بالضبط !!
من ثلاث سنوات وتمغيط في المواعيد وهذا يقول كهربية زائدة في المخ وهذا يقول السوائل في المخ زائدة ولازم عملية وفي الأخير اعملوا اشعة رنين مغناطيسي والموعد بعد سنة وثمانية أشهر !!!!!!
قلنا بلا مستشفيات حكومية بلا هم فيه مستشفى يمدحونه ونروح له قالوا يالله عيدوا التحاليل من أول وجديد قلت للدكتور على بلاطة هذي التحاليل والأشعات موجودة بنعطيكم كل التكاليف بس تبدون على طول طبعاً نهرني بشدة وقال تتهمنا بأننا نبغى فلوسك وووو .
النتيجة قال لازم عملية في المخ !! لسحب المياه الزائدة وهذي العملية سهلة وأي جراح يسويها !!!!
وفيه الجراح فلان جراح ممتاز جداً نقدر نسوي له دعوة يسوي العملية في المستشفى !!
رحت مع صاحبي وقابلت أبوه وأمه وقلت الوضع كذا وكذا طبعاً رفضت أمه وقالت يبقى كذا طول عمره ولا يسوي العملية .
أستخدمنا الأداة الأكثر فاعلية وجبنا واسطة للمستشفى الجامعي ودخلناه والله يستر .
السؤال : لماذا كل يوم التمادي والاستهتار يزيد ؟ هل لأننا مانعرف نرفع قضايا في المحاكم اللتي هي الأخرى تمغطنا بمواعيد طويلة الأجل !!!!!!!!!!!
بصراحة سالفة إلغاء الأمر الكريم هذه نرفزتني بقوة وصلت فيهم الجرأة يلغون أوامر زي كذا !!!
يعني بكرة لو طلبت علاج أحد المرضى إلى الخارج لازم أحط معي أحتياط فلوس في حالة تم إلغاء الأمر !!!!
الهاوي الله يعينكم ويشفي مريضكم ومرضى المسلمين آآآآآمين
وتقبلوا تحياتي ،،،،  | 