تراجع الهلال إلى المركز الرابع في سلم الترتيب بعد أن فاز اليوم النصر على الشباب بهدف يتيم سجله النصراويين في الوقت الضائع من الشوط الثاني وأيضا فاز الأهلي على النجمة بالثلاثة وفاز الإتحاد على الطائي ..

يعني الإتحاد صار في الصدارة - اللي حسمت تقريبا لصالحه - برصيد 41 نقطة وبناقص مباراة عن بقية الفرق ..
النصر تقدم للوصافة برصيد 35 نقطة والأهلي وراه بنفس الرصيد والهلال الرابع بنفس الرصيد ولكن فارق الأهداف هو الذي تراجع بالهلال لهذا المركز

يعني يا جماعة الخير دائما نقول إننا نحتاج لمهاجم قناص فرص وإن الهلال لازم لازم لازم يرجع لطريقته المعروفة عنه وهي الهجوم ..
يا جماعة والله ما خرب الهلال إلا السياسة الدفاعية اللي مشي عليها المدربين ماتورانا وبلاتشي الله يهديهم واللي خربت لعب الهلال وشكل الهلال ومستوى الهلال وحتى روح الهلال !!!!!!!

عندنا الجمعان وعندنا حسين العلي والآن موجود سوفو ومن وراهم في الوسط المتقدم رباعي ناري بقيادة الجابر والتمياط وأندريه والشلهوب ..

يعني والله ممكن نفوز بدرازن مو بهدف وللا هدفين !!!!!!!

عموما نتمنى إننا نشوف الروح اللي شفناها اليوم في الهلال والهجومية الجميله هذي في بقية مباريات الدوري حتى على الأقل يحقق المركز الثاني ويحافظ على لقبه كبطل دوري وأيضا يحقق معاه الكأس بإذن الله حتى لو ما أتأهل للنهائيات الآسيوية ..