السلام وعليكـم ، ،
هذي أول مشـاركـة لي بالتحليل واعتقد انه لإهميـة المباراه ونســال الله التووفييق ، ، المحور الاول :
ماهي الرؤيه المتوقعه لخطة الفريق والتي ترى أنه من الأفضل ان يبدء بها المدرب كوزمين؟
هل الافضلية من المدرب أن يدخل المباراة من بدايتها بالهجوم والضغط (أو) يدخل المباراه
بطريقه متوازنه وعدم اندفاع للهجوم ؟ والله انا مقتنع باي طريقه يفكر به كوزمين ، ولكن ارى ان اول ربع ساعه في مثل هالمباريات لازن تتحفظ ولكن لا يكون تحفظ بحت نحاول نمسك الوسط في البدايه عشان ذلك يسهل لنا المشوار بعد الربع ساعه هذي لان نهايه الشوط الاول بهدف او اثنيين مهم جداا . المحور الثاني :
ماهي التشكيله المتوقع الزج بها من قبل مدربنا كوزمين في هذه المباراه ؟
وهل تفضل ان يبدء المباراة بلاعب محور واحد أو محورين ؟
وماهو رأيك بالبدايه بمهاجم واحد أو مهاجمين بعد أكتمال عودة ياسر القحطاني بأذن الله؟ اتمنى التشكيلة كالتالـي /
بدر الدعيع
ـ ـ ـ
سعد الذياب
خيرات
تفاريس
عبدالعزيز المفرج
ـ ـ ـ
صالح الدوسري
خالد عزيز
الفريدي
التمياط
التايب
ـ ـ ـ
ياسر القحطاني
اعتقد محورين ومهاجم ممتازة جدا خاصه اذا المهاجم ياسر لان هالتشكليه هي تشكيله الهلال بهالموسم بنسبه 98% .. المحور الثالث :
ماهو رأيك بالانسجام بين خط الحراسة (بدر الدعيع) وبين (خيرات) و (تفاريس)؟
ماهو رأيك بـ مستوى الظهير الأيمن (عبد العزيز المفرج أو العنقري) وايضا الظهير الأيسر (الذياب أو الخثران) ؟
واحتمال جاهزية نامي والزوري وهل تفضل مشاركتهم بعد انقطاعهم الطويل بسبب الاصابة؟
أم ترى بأن الاعتماد على الاسماء التي شاركت بالمباريات السابقه أهم بسبب الانسجام بينهم وبين بقية اللاعبين؟ أولا: انسجام خط الدفاع مع االحارس متصاعـد من مباراه الى مباراه والحمد لله ارى انه وصل للمطلوب رغم دخول تفاريس اخر مباراه الا اني ارى ان تفاريس من المدافعين اللي يتاقلم مع اي حارس واي مدافع والشاهــد على ذلك تبادل قلب الدفاع بتشكيلة الهلال الاساسية من المفرج والمرشدي واخيرأ خيـرات. .
ثانيا: للاسـف الظهير الايمن بالهلال لم يصل احد درجه الاقناع و نتمنى حل المشكله مع بداية الموسم القادم ولكن انا ارى ان المفرج ( عبدالعزيز ) وجودة بالنهائي غير مؤثر والقصد بذلك اخطاء اللاعب ما تاصل درجة التاثير على الفريق وهذي النقطه موجوده بكل الاطهرة اليمين طبعا ، اما الظهير اليسار فيحمل نجوم من الخثران ومرورا بالذياب ونهاية بالزوري وارى ان هالمركز في امان ولله الحمد والخثران ( الجوكر) فهو من النجوم اللي يلعب لك بمركزين ويبدع بالاثنين وهذا ما تلاقه الا ناادر حتى بأوربـا ..!!
ثالثا: اعتقد ان عودة الزوري ونامي لو تكون امام الشباب يكون افضل كل المبارتين مهمات ولكن الاولى اكثر ضغـط للذلك اما م الشباب انسب بكثيــر ، ،
رابعا : انا برائـي ان الانسجام موجود سوا تغير الفريق ولا ما تغير ولله الحمد ولو راينا مثلا دخول تفاريس وليلو مع المجموعه اضاف قوة والانسجام موجود الحمد لله وهذا اللي بيصر باذن اله بدخول التايب وياسر وعزيز وارى ان كوزمين يجمع بالتمارين المجموعتين الاولمبي والاول لمثل هذة الامور ،، المحور الرابع :
ماهي الاسماء (الخمــسة ) من الفريق الأول التي ترشح مشاركتها
(سواء بالبدايه أو وفق حاجة المدرب لها)؟ تفاريس :
يعطى ثبات لخط الدفاع وتاثيرة واضح بمباراه الاهلي ..
خالد عزيز :
لاعب سيكون بعون الله مع تفاريس صمامين الامان للازرق اقل ما اقول عنه ( أفضل محور سعودي)..
التمياط:
لاعب احساسي انه باذن الله راح يحسم المباراه ويرفع البطولة باذن الله هذا اللاعب قدم لنا اكثر من مما قدمنا له وجودة كقائد للهمجموعـة راح يعطي دافع وهذا اللي شفناه بنصف النهائي..
التايب:
مباريات جماهيريه تحتاج لمثل هاللاعب من عدة نواحي تحفيز الجمهور ارباك الخصم او بمعنى اخر اشغال خط وسط الخصم باكمله وهذي يفتح لنا الوسط باذن الله لنواف والفريدي او الدوسري..
ياسر القحطاني:
تشكيله 4-5-1 ما تنفع الا اذا كان القناص هو راس الحربة يشكل تفاهم كبير مع التايب قادر على حسم المباراه باذن الله.. المحور الخامس :
هل هناك ضغوط على اللاعبين سواء (أعلامية أو جماهيريه أو ادارية) تتوقع ان يكون لها
أثر (سلبي أو ايجابي ) على مستوى اللاعبين أثناء المباراة؟ الصراحه لن اجامل واقول الهلال اكبر من هالشي خاصه انه فريق اولمبي ..!! ولكن تحت هالادارة الواعيه والقائد نواف التمياط اللي هذي احد اسباب وجودة بالتشكيله اعتقد ان الضغط راح يكون اخف وقد ياصل لدرجه ( لا طعم له ولا رائـحة ) . . !! المحور السادس :
ماهي نقاط ( الضعف و القوه )في الفريق المنافس ليتم التركيز عليها؟
ومن اللاعب الذي ترى ان يستخدمه المدرب كـ ورقه رابحه وفق مجريات المباراة؟
وهل هناك ملاحظات لـ (الحارس - الدفاع - الوسط -الهجوم) لفريق الهلال في اخر مباراة
ترى بأنه يجب تصحيح الوضع فيها قبل المباراة القادمه؟ أولا :
أنا كمتابـع نقاطي عن الفريق النصراوي قد تكون محدودة فنياا ، ارى حراسة المرمى بوجود الوباري تشكله نقطه ضعف وهالحارس يذكرني بحارس الاتفاق السلمان وجميعهم التسديد المباشر يمثلهم نقطه ضعف واضحه ، ايضا اندفاع الاظهرة النصراوية مبالغ فيه من الناحية الدفاعية ولكن قد يكون خطر هجوميـاا ، الضغط الشرفي والجماهيري ايضا قد يكون سلاح ذو حدين وغدا راح نعرف اي طريق سيسلكـ..
اما عن نقاط القوة فارى الهجوم النصراوي خطير نوعـا ما الذي يدعمه الوسط الهجوومي ، وأيضـا اكثر ما اخاف منه دخول الهلال بثقه مفرطة هذا اللي نشوفه بالمنتديات ولكن باذن الله اللاعبين قدها وقدود..
ثانيـأ :
أرى ان عبدالعزيز الدوسري سيشكل بالشوط الثاني اضافهة بارزة وذلك لنشاطه أيضا قد نحتاج مهاجم ثاني وهذا اللي ما اتمناة ..
ثالثا :
اتمنى من الفريق التوازن في اللعب هجوميـا ودفاعيـا والمسوؤل عن ذلك خط الوسط اللى يملك كوكبه ولا خوف على الهلال من هالناحية إن شاء الله، اتمنى من المدرب تكثيف التمارين بخصوص اضاعه الهجمات السهله والي اضاعت على الهلال جملة من النقاط وبان المباراه نهائيه فاتمنى التركيز مضاعف ، وايضا اتمنى التمارين على ركلات الجزاء تحسباا لاي ظرف وباذن الله الهلال راح ينهي المباراه من الاشواط الاصلية .. المحور السابع:
ماهي النتيجه التي تتوقعها للمباراة ( _ & _ )
وايضا اذكر لنا رؤيتك الخاصه عن الأحداث المتوقع حدوثها بالمباراه (( مساحه حره للعضو )) بالنسبة للنتيجة فهذي من أصعب الاسئلة ولا اخفيكم انه عندي نسبه خوف من النصر وهالخوف ناتج من الثقه المفرطه من اغلب الجاهير الزرقاء اللي اتمنى انه نكثف الدعاء هاليومين ونحترم الخصم مهما كان وما بالك اذا المباراه نهائية..
النتيجه اعتقد انه هلاليه ولكن لان تنتهي بالاشواط الاصلية ( ( باذن الله هلاليه من الاشواط الاصلية ) )
اما بالنسبة للاحداث المتوقعه راح يكون فيه تحفظ اول ثلث ساعه واحتمال كبير يتمدد الى نصف ساعه الاهداف اذا وجدت راح تكون بالشوط الثاني وشكله اكثر من هدف انا برائي فيه احتمال انه اشواط اضافيه لكن باذن الله هلالية.. المحور الثامن :
ماهي رسالتكـ التي تود أيصـــالها للأعبين (بشكل عام او خاص)
قبل بدء مباراة النهائي ؟ أنا اقل من اني اوجة رسالة لنجووم الزعيم ، ولكن لا اخفيكم اني ارى ان هالبطوله اهم من الدوري وذلك من عدة اوجـة اولها ان الدوري اذا طار لا قدر الله فالتعويض قائم بخادم الحرمين ، وثانيا وجود النصر بنهائي فعودة للبطولات بحدة ذاته غير مرغوبة من قبل جمهور الزعيم واذا مانت العودة من امام الزعيم فهذا أشد وأشد لانه راح تسجل ولانه راح يكون حديث كل نصرواي و ( لا هلالي )..
بالختــام احب أوجـة رسالة لجمهور الازرق..
لن ادعووكم لللنهائي لانكم باذن الله عند الوعد وخير دليل النهائيات الاخيرة للزعيم وان كان اقل حضور النهائي الاخير .. !!
اتمنى منكم تكثيـف الدعاء ثم الدعاءءثم الدعاءءء وباذن الله موفقين ( والدعاء والشكر اهم اسباب دوام النعمه )
ونشكر للمنتدى ومشرفيه جهودكــم الجبـارة ، ، 
.. سبحــان اللـه وبحمــدة .. سبحــان اللـه العظيــم ..
اخر تعديل كان بواسطة » شلهوبي موهوب في يوم » 02/04/2008 عند الساعة » 01:53 AM | 