صباحكم سكر يا حلوين ،،،


موضوعي اليوم هو عبارة عن موقف محرج ومضحك حصل لأحد زملائي العزيزين في العمل ،،،


و أرجوا منكم رفع الحرج والعذر والسموحة عن بعض الالفاظ ،،،


ونبدا بالموقف والله يعيني من بعض الكلام من بعض الاعضاء .


ماجد الله يسلمكم بحكم عمله التنسيقي مع بعض الجهات التي تتعامل مع الجهة التي نعمل فيها ،،،


رأس الهرم(( المدير العام )) الذي نعمل فيه أصدار قرار منع التعامل مع بعض الجهات ،،، ومنها الجهات التسويقيه .

فأحد البنوك تتصل أحد مندوباته على زميلي ماجد من أجل أخذ موعد لتسويق القروض الاسلامية والعقارية على قولتها

وكانت إجابة زميلي ماجد بأنه يمنع إستقبال المسوقين للقروض بسبب القرار الذي أصدره المدير العام ،

وكل أسبوع أختنا بالله تتصل على ماجد لعل ولعسى يتغير القرار وكانت نفس الاجابة من زميلي ماجد.


وفي أحد الأسابيع تتجه أختنا مسوقة البنك ومعها زميلتها الى جهة عملنا ،، ومن الصدف قابلت مدير زمينا ماجد ، وقالت نحن مسوقات من البنك الفلاني ونبي تسمح لنا أننا نسوق للقروض التي لدينا ،،،


مدير ماجد قال لهم تفضلوا قاعة الاجتماعات ، وشوي بيجيكم موظف ينسق معكم .

وراح مدير ماجد لماجد وقال شف مسوقات من البنك الفلاني يبون يسوقون عندنا ،،، فرد عليه ماجد يا طويل العمر ، فيه قرار من المدير العام بمنع استقبال المسوقين .


فرد مدير ماجد على ماجد وقال راح لهم بقاعه الاجتماعات وصرفهم .

المهم ماجد الحين كيف يصرفهم قاعد يفكر وجتة فكره حلوه .


ويتجة ماجد بكل شموخ الى قاعة الاجتماعات وطاق الرسم بيقابل بنات ويفتح الباب ،

ماجد : السلام عليكم

المندوبات : وعليكم السلام .

ماجد : يندهش من الجمال الي يشوفة ،، وبقلبه يقول بعذرك يا أبو فلان الي هو (( مديره )) دخلتهم ونسيت قرار المنع .

والله يا اخوات العذر والسموحة الشخص الي دخلكم القاعة ما عنده خبر أن القاعه محجوزه و فيها إجتماع بعد ربع ساعه والعذر والسموحة ،،، وإن شاء تنسقون معي وأشوف موعد ثاني لكم .

المندوبات : المشكلة يأخ أننا نتصل ويرد علينا شخص ويقول لنا أنه ممنوع وحنا قررنا نشوف بنفسنا ونشوف بعيوننا هل هو ممنوع والا هذاك الشخص يصرفنا .
ماجد : بنفسة ما يدرون انه أنا الي أصرفهم والله يا أخوات هو ممنوع ولكن بدامكم جيتوا وتعنيتوا بنحاول نشوف لكم إستثناء وندخكم .

المندوبات : الله يعطيك العافية ويوفقك ،، وعلى العموم هذا كرتي (( الي لابسه اللثمة )) ويصير بينا إتصال ان شاء الله

ماجد : خير إن شاء الله ، وهذا كرتي أنا .


المندوبات : تستلم كرت ماجد وتجي بتحطه بشنطتها ،، ويطيح جوالها بالارض ، البطارية بجهه والوجة بجهة ثانية والجهاز بجهة . لحظه تامل لجهازها . ماجد اخذ البطارية الي تحت رجوله وهي دنقت تبي تاخذ الي تحت رجولها ،،، وعلى تدنيقتها حصلت الكارثة ((( أخرجت ريح )) باللغة العربية وباللهجة العامية (( طقعت بصوت ))

ماجد : هههههههههههههههههههههههههههههههههههههههههههههههههه لم يستطيع تحمل الموقف ويفجر أمها ضحك ويطلع من القاعة ،،، وينادي ماجد السكريتي فلان شف قاعة الاجتماعات في مسوقات البنك الفلاني ، عشر دقايق وتدخل عليهم وتقولهم يطلعون .

السكرتي : إن شاء الله أستاذ ماجد

السكرتي : بعد مرور 10 دقايق ،، يدق باب القاعه ، ويفتح الباب . ويتفأجا أن أحد المندوبات غارقة بالدموع ،، والاخرى تهدي فيها ما صار شي كل الناس يصير لهم هالشي ولا في احد غريب غيري انا وانتي ،،، ويقوم السكرتي ويغلق باب القاعة ويتجة لماجد .

السكرتي : ماجد أنت وش مسوي للمندوبات أعترف ، انت متحرش فيهم ،، لمست احد فيهم ،، وضع البكاء مو طبيعي

ماجد : والله يا أبو فلان صار موقف .

السكرتي وش هالموقف الي يخليهم يبكون اكيد أنك متحرش فيها .

ماجد : الموقف محرج يا أبو فلان ،، أنتم رح لهم ،، واذا عندهم شكوى علي هذاك الوقت يصير خير .

السكرتي : اوكي ماجد ، وبيتجة لقاعة الاجتماعات ،، ويفتح الباب ولا يحصل المندوبات راحوا في امان الله .

السكرتي : يتجة لماجد ،، امانه وش مسوي لهم ،

ماجد : والله ما سويت شي لهم ،، بس حصل موقف محرج وبكت وانا طلعت من عندها .

السكرتي خير . ان شاء الله .


واجي أنا ماجد وش صار قال يا رجال أسكت والله موقف محرج .

أنا : وش قال صار .

ماجد : ويقول السالفه كلها لي بس ما ابيها تطلع

انا : خير ان شاء الله .

أنا : ماجد ، هم حلوت .

ماجد : يافهد أسكت وربي ملكات جمال ،،،هم ثنين وحده حاطه لاثمة والثانية متحجبة .

تخيل أم لثمة صاحبة القضية (( صاررررروخ )) (( تخيل يافهد وحدة بيضاء بجسم عبده ))

أنا : والله مسكينه تكسر الخاصر ، مالك داعي يا ماجد كان سويت نفسك ما دريت .

ماجد : يا فهد والله ما قدرت هي بس (( طق..... )) انا ناظرتها وهي ناظرتني بتشوف سمعت والا لا ، انا فطست ضحك ما قدرت أمسك نفسي .

أنا : الله يعينها ،،، وش رأيك تدق عليها وتعتذر لها .

ماجد : ها والله فكره ،، ويسمك تلفون المكتب ويدق عليها

وجوال المندوبة ((( أن الهاتف المطلوب لا يمكن الاتصال فيه الان ))


وهذا هو الموقف والعذر والسموحة على هالكلمة الي ذكرتها ولكن هي زبدة الموضوع .


وعلى فكرة جميع الأسماء في الموقف أسماء مستعاره .

وسي يو للجميع .