اثنين من الربع .. آخذين بي مقلب إني (فال خير) .. وواحدن يقول : ياخي مغاط "محظوظ ولد اللذينا" .. لو يفتح مطعم "مأكولات إيرانية" على خط سريع .. مشى سوقه !! قلت اذكر الله أنت ووجهك .. وين معه محظوظ ؟! وأنتم أخوياي !!
وبعدين : عاجبكم هالثوب !! وأنا أوقّف وأوريهم ثوبي !! عاد توني جاي من سفر ومفصّل ثياب يا جماعة الخير .. صايرن تسني مراسل بوزارة الحج والأوقاف .. " قصار !! و جهه أطول من جهه " والقلابيّ منفرش صايرن كنه (حمامة راجنه على بيض) .. لاعب فيهن الخياط لعب .. لدرجة يوم جيت أتقيسهّن عنده نشبت في الثوب .. وقعدت ازاعق في غرفة القياس ربع ساعة .. أبيهم يسمعوني !! بغيت انكتم !! وتطامروا الزيود .. وقاموا يجروني من الثوب كني تحت (أنقاض) !! وبعد محاولات بديت أشوف النور .. وأشوى طلعت .. و الخياط .. يقول لي وش اللي صار ؟ قلت : انطم بس !! أنت خياط وإلا ميكانيكي؟؟ وش هالثوب ؟! آخذن مقياسي أنت وإلا مقياس سيقاني بلحالهن !! استحى القصّاب .. قصدي الخياط وقال ما يكون خاطرك إلا طيب .. حقك علينا .. و بكرة وهن عندك زي ما تبي !! المهم (لمصقهن) لي .. وجيت من بكرة وأنا لابس (دبة اكسجين ) قلت يمكن أنشب ثانية .. وأنكتم في الثوب .. !! <<-- لا أحد يدقق .. " ولا أحد يسألني عن كلمة (لمصق) لأني مدري وش معناها بس نقولها إذا صار الواحد مسوي الشغل .. أي كلام ) ..
خخخخخخخخخخخخخخخخخخخخخخخخخخ
والله يا عندنا خياط عكس خياطك
تصدق اذا جيت اخيط عنده ثوب اجيب اخوي الصغير علشان ياخذ مقاسه ادري انه بيكون مقاسي
ودائما اجيب له طاقه كامله يفصلها ثوب ونص <<<< وشلون مدري
الظاهر ان المتر اللي عنده دبل المحلات الثانيه مدري من وين جايبه
وبديت اشك انه كان عنده محل خياطه بالمانيا ولا روسيا وخذ تفصيل
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــ
شوي يوم دخلوا علي .. واحد منهم يقول لي :
آبييي طووو ساااا أبدا خووو <<-- والله ما أدري وش يقول بس حسيت أنه وده يوصف فرحته وخانه التعبير !!خخخخخخخخخخخخخخخخخخخخخخخ الله يرج سموكم والله من جد فقعت ضحك
الضعوووف من الفرحه ما يدريون وش يقولون
تلاقيهم عندهم كلام وتعابير كثيره ومن كبر الفرحه اختصرها لك بكلمات متقاطعه وحاول تفهم انت
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــ
اهنيك على اسلوبك الحلو في الطرح ولا تحرمنا من مواضيعك
