السلام عليكم
مساء الخير للجميع
اليوم بقول لكم سالفة وربي طحت دايخة من هول ما رأيت
المهم كيوم روتيني من الحصص العلمية كانت صديقتي سارونة ^^عشان ما أحد من الأعضاء يقول ليه رموز
المهم كانت تعبانة وماهي قادرة تكتب فقلت لها عشان ما يتراكم عليها الدروس عرضت عليها اكتب لها
أنا :سارونة بالله دفاترك بكتب لك
ساروة:لا والله خاص بكرة بكمل
أنا :لا والله عادي بخلص بسرعة
هي(تحط الدفاتر في يدي):لا والله لا ما يحتاج
أنا :أقول بس عن الإستهبال خلاص ما أبغى
هي:أصلا غصبا عنك
المهم بعد ما كمل لها قالت لي ودك في بوسة
أنا : ما فيه مانع بديل للمجهود الجبار
المهم فجت وباستني على خدي
أنا : قصدي على راسي يا الدوبة
هي : صدق ما تنعطين وجهأقول انقلعي بس
وتجينا أبراروه أكيد يذكرها كل واحد متابع لمواضيعي(عشان خاطر بنت فهد)
المهم وتزاعق
أبرار: هيييي غنتي وياها عيييب
أنا : وشوا عيب أقول بس ضفي وجهك
أبرار : والله ما يصير تبوسون بعض قدام البنات ترى والله صارت هالحركة حق البنات اللي مو أوكي
أنا : لا والله احلفي بس أما إنتي غريبة
أبرار: طيب خلاص في الطلعة بوريكي شي (نهاية الدوام لغير الناطقين بالعربية)
المهم على آخر الدوام
ابرار: إيييييييه ...........يالله بوريكي اللي وعدتك فيه
أنا: يالله شمينا(مسوية إقبال على غفلة)
ونرقا لواحد من الفصول وبكل دفاشة الأولاد فتحت أبرار الباب
أما أنا خلااااااااااص تسرت في مكاني
خلاص وربي من الصدمة ما قدرت أتحرك يعني وش أقول بنتين مع بعض وفي وضع
كلمة شاذ شوية عليه
أبرار: ما شفتي شي بوريكي العجب العجاب ألحين
وأنا وراها ما قدرت أنطق بكلمة وترقيني لواحد من الفصول اللي يطل على الحوش الخلفي وتقول لي ناظري وأنا أناظر وأندهش
معقولة كل هذا في مدرستنا وهذولي البنات لا مستحيل هذولي ثقة المدرسات فيهم الله يستر بس

نوربي ما قدرت انام اليوم من الصدمة كل ما بسوي شي ترجع لي صورة البنات وين الإدارة منهم
وين الهيئة أتمنى من كل أحد يشوف مثل هالتصرفات يسوي اللي عليه ويبلغ عنهم هذا أبسط شي نسويه

لأول مرة تكون موضوعي في يوم في حياة طالبة ثانوي مو وناسة لأنه من جد انصدمت
عموما اشكر كل من قرأ اسطري
ودمتم بود:
أختكم
بني حارث