نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

حتى ظلالي هلالي · #1 22/03/2008, 03:54 PM

السلااااااااااااااام ع الشيون
<< صفقين اذا أحد رد

مرحبا والنفس طربانهـ .. للقصيد وشاعر ياها

<< البنت خااااااااااقهـ مع هالاغنيهـ

بلا ابو نورهـ بلا بطيخ

<< كني أشوف ابو ناصر جدع قدورهـ

<< صفقون كاني ادري وش سالفة القدور

بس قلتهـ لعانهـ

//
\\
//

المهم نخش بالموضوع دوووووووغري

مرت(ن) من المرارير

رحت لتيتا حصوص

<< أحلىىىىىىىىى يالسوريهـ

أنا واختي

//
\\
//

البطاقهـ الشخصيهـ لجديدتي

:
الاسم : حصيصهـ

العمر: والله اني ماسألتهـ

بس هي عجوز وتلبس غدفهـ << يعني الطرحهـ

لغير الناطقين باللغهـ العربيهـ

الوظيفهـ : تقزقز المماليح اللي بالتلفزيون << خرفنهـ متأخرهـ

<< بتعرفون سالفة هالوظيفهـ من السواليف الجايهـ

الحاله الاجتماعيهـ : متزوجهـ وزوجها على قيد الحياة ولله الحمد

محتويات العمل :
1/ حصيصهـ وعشقهـا لرئيس الهلال الأمير محمد بن فيصل

وعدم اعجابها بــ ياسر القحطاني

2/ القيادهـ ووجهـة نظرها لها .. ومقولتها الشهيرهـ ( ماغير تدلج هالبليهـ وترعص البليهـ الثاني)

3/ قصة سرقت عشاء الضيوف عن طريق ( عيال أول الشياطين)

كل هذا وأكثر تشاهدونهـ في رمضان على شاشهـ القناة السعوديهـ الأولى <<

[1]
[عشقها لرئس الهلال - وعدم اعجابها بــ ياسر]

هذي السالفه الله يسلمكم ويسمنكم << إلا الدببهـ لا يقولون آمين

إني يوم كنت عند جدتي قالت لي شغلي التلفزيون ادور لي واحد مملوح
أحسن من هالشايب الأسود اللي معي

شغلت لهـ التلفزيون
بس ما أعجبهـ أحد

قلت أنا يا بنت مافيها جدتس تبي مماليح وانتي ساكتهـ

وطلعت جوالي وقعدت أوريها أول شيء
صور ابوي وأخواني

وتقول : من هم ذولا مب مماليح

انا:

يا اميمتي ذولا عيال بنتتس ورجلهـ

ما عرفتيهم

قالت : اييييييهـ .. لا ابي غيرهم

قلت هالعجوز خالصهـ
خلوني اشوف وش وراهـ
وأطلع لهـ صورة محمد بن فيصل

قالت: ايه هذا اللي ابي

دوري لي مثلهـ ثانيهـ

قالت لي اختي: طلعي لهـ ياسر يمكن يعجبهـ

وطلعت لهـ ابو سعيد
بس قالت : لاااا وش ذا

أبي واحد حلو مثل الأول

وفريت جوالي كلهـ لهـ خلصت الصور وهي مالقت واحد مثل ابو سلطان

تعليقي :

ياخوفي بكرى جدتي تجي تشجع معي بمباريات الهلال عشان تشوف ابوسلطان

خلوا بالكم من عجزكم ترى تجيهم مراهقهـ متاخرهـ

//
\\
//

[2]
[ماغير تدلج هالبليهـ وترعص البليهـ الثاني]

ونحن قاعدون حول جدتي المصون << أموت ع اللغهـ

سألتنا: ليهـ ماتجون لي كل يوم عندي ..؟!
قلنا لهـ : اذا خلوا الحريم يسوقون بنجيكـ كل يوم

قالت : ايهـ وانا بسوق
قلت لهـ : تعرفين تسوقين ..؟!
قالت : وش يبي لهـ ماغير تدلج هالبليهـ وترعص البليهـ الثانيهـ

-------------------------------------------
التفسير للجملهـ :
(تدلج هالبليهـ ) = تدور بالدركسون << يارب تفهمون معناهـا

لان أنا انسانهـ ما أعرف اشرح

(وترعص البليهـ الثانيهـ ) = وتضغط البانزين

-------------------------------------------

بعدين قالت: جعلكم للموت قبل ماتسوقن

قلت لهـ : أجل موتنا قريب

//
\\
//

[3]
[عيال أول شياطين]

كعادتي اليوميهـ لازم بكل جلسهـ أحش بالتماسيح
وبذاكـ اليوم لقيت لكم مدافع

وهي جدتي

وأنا احش فيكم يا عيال هالوقت
مادريت إلا جدتي
قايلهـ لي:
عيال هالوقت احسن من عيال أول

جارتي من أول كان عندهـ ذاكـ اليوم عزيمهـ رجال
ويوم حطت العشاء بالسطح
وزينت اللحمهـ والرزيزات

دخل عليهـ رجلهـ قال : هاهـ جاهز العشاء
قالت: ايهـ
تقول يوم رقوا الضيوف ..مافيهـ إلا السفرهـ

اثر فيهـ واحد شايف عيال شياطين ناطين وسارقين العشاء وطالعين

تقول: ههـ في شياطين مثل ذولا..؟!

قلت: ياميمتي عيال هالوقت وش جابهم لعيال زمان

فرق السماء عن الأرض

//
\\
//

خلصنا من السوالف جينا للقصايد

بدت حصيصهـ تقصد لنا

وتقول:

الزين مثل الحيا متبوع .. وأن ماتلى الناس يتلونهـ

وشلون جرحكـ عساكـ اشويت..وجرحكـ اليوم ماهاني
قال قطنت ياصويحبي هذريت .. جرحي تبين معهـ ثاني

هذي غير القصيدهـ الي قصدتهـ بنفسهـ
بس مالحقت أسجلهـ

//
\\
//

يالله عاد والله احس اني طولتهـ
بزيادهـ وإلا

دعواتكم لي بالتوفيق
<< مدري شختم فيهـ

كل يوم سادحهـ موضوع وخلصت الخواتم

الله يوفق الزعيم

فوق كل أرض وتحت كل سماء

ورده
<< لكل أحد قد توقف

<< لكل وحدهـ قد توقفت

<< حنت للجدار اللي كانت تشخبط عليهـ بالحاير