صباح الخير
كيف حالكم ياشباب
ابدخل في الموظوع بدون مقدمات
اعرف كثير من الاصدقاء والزملاء وحتى قريبين مني مشجعين للهلال كانوا يحظرون للملعب وبحرص زايد عن حدة او نسيمة عشق للهلال ولكن بعد الخروج من البطولة الاسيوية(مرتين) مالقيت فيه حرص للحظور وإذا جيت اروح للملعب
اكلمهم واحد واحد مشينا ياشباب - قالوا ماعاد لها طعم بعد الاسيوية وماراح نحظر إلا للأسيوية او لنهائي
الحقيقة شي غريب وكأن عدم تحقيق الاسيوية نهاية العالم هل هذا ثمن الزعامة في البطولات
تجدنا فقط نتفنن في اظهار عيوب الادارة والمطالبة باللاعب الفلاني بدل اللاعب الفلاني والتجريح في بعض اللاعبين وتلميع زائد عن حدة للبعض الاخر
هل هذا دورنا
والله فريقنا نحسد عليه
وشلون نجازيه -سواليف المجالس ونمدحه وسوينا وفعلنا -او في المنتديات تشوف البدع باللاراء
اثبت عشقك لزعيم في الحظور , تابع الفريق في الملعب ولاتخدع نفسك حظرت ولاماحظرت ماراح نطول بناخذ بطولة
متع عينك وانت تشوف اخوانك اصحاب الفنايل
الزرق قريبين منك وانت قريب منهم شاركهم في جزء بسيط من تعبهم اللي راح يفرحك في الاخير وانت تساندهم .
وحتى وإن خسر معاه معاه لاني عارف إذاخسر مرة فاز ستين مرة
اقول هالكلام ولو مايبقى إلا انا في المدرج احاول اصرخ بأسم الزعيييييييييييم
