الهلال كبير بنجومه وبأدارته وبجمهوره الكبير
يا زعيــمٍ دام عــزك بالــزعــامة ××× يوم غيرك صــار عــزه بالهـــلايم
كل منهم صوّب الحقد بسهامه ××× عوَّضـــوا حال الهزايم بالخــصايم
أنت صقرٍ ما تنافسْكْ النعامه ××× راسها وسط الثرى خزي وهزايم
ياهـــلالٍ .. ماتغــطّيه الغـــمامه ××× دونـك رجـــالٍ قــويــين العــزايم
يوم كلٍّ بيّن اليــوم انقسامه ××× ثابتــــــينٍ ما تــزعــزعـــهم نمايم
الجواد اللي مع الفارس خطامه××× في ميــــادين السبق بالفوز هايم
والجواد اللي ركض خلف القتامه××× ضايعٍ .. ومضــيّعٍ درب الغــنايم
ياعبيد المال ياعشـــق الجــهامه ××× لاخطبوط الشر جيشٍ بالعمايم !
ما يميــّزكم سوى كثر الرخامه ××× منتخـينٍ بالورق كذب وظلايم
مثـلكم يقــل قَــدْره واحـترامه ××× مايجي له بين خلق الله حشايم
كبَّكم ياجــعلكم قــل الســلامه ××× جـعلكم في غــيّكم تيـــه وظلايم
غارقينٍ في المشاكل والملامه ××× والزعــــيم يـعانـق الإنجـاز دايم
ودام عزك يا زعيــمٍ في مرامه ××× زَيّنَتْ صرحك بطولاتٍ عظايم
