|
قصيدة تذكرني بوالدي رحمة الله عليه
هذي قصدية كلماتها تذكرني بوالدي رحمة الله عليه أعجبتني كثير
وحبيت اضعها بين أيديكم إن شاء الله تنال على إعجابكم
مرثية خلف
خلف خليفة والده
مرحوم يا رجل على الطيب مجبول
الله يرحم في وفاته عياله
من طلعته مثل الجمل ينقل حمول
خلف خليفة والده في فعاله
انا اشهد افقدته علينا على الطول
مازل وقت الى يجينا خياله
يبكي خلف داني وقاصي ومجهول
وتبكي عليه المرجله والجماله
يرحمك يارجل مع اناس مقبول
من طلعته ما مر درب الفساله
راع الفزايع والكرم مابها قول
ريف الضعيف يشاركه في حلاله
يضحك في وجه الضيف لو كان مشغول
ويقلطه ويكفيه من دلاله
صدره وسيع وبلغرابيل مدهول
من صكته غبر الليالي عناله
الله يعفو عنه ماهل همول
ويعيض الاسره من عياله بداله
وا ختامها صلوا على خير مرسول
الهاشمي اللي وفى بالرساله | 