السلام عليكم
نقول باك بعد فترة النقاهه الي اخذناها بهالويك اند 
.. 1- ألف مليون مبروك بوز الزعيم وعقبال الدوري وكاس فيصل وكل شي 
.. 2- ألف مبروك انس الأفضليه + صبغ النك بروم الزعيم < تراي مادري هو الي قال لي ولا آخر خبري بالروم اول مافتحوها .. 3- عالبركه اللون الجديد فهودي 
4- أبو سلطان ملينا وحنا نشكرك يالغالي .. والورود خلصت بعد والقلوب مابقى احد ماعطاك قلبه .. باقي بوسه ممكن 
5- ياسرلينهو احد افضل الأعضاء الجدد إن لم يكن الأفضل بصراحة .. خلال فترة تواجده في الرابطة قدر يثبت نفسه وجدارته أيضا سواء بالاخبار الحصريه او الترجمه المميزه جدا .. عوافي يالغالي ورده
...................
أخبار كثيره تتكلم عن ميسي واصابته ومدة علاجه وووو .. كن لعل الخبر الأهم هو تحرك الاداره وتغيير الطاقم الطبي للفريق .. صحيح ان هالطاقم تم تغييره لكن للأسف ماصار شي .. صحيح اصابات الرباط خفت بشكل كبير .. لكن إصابات الوايرلس تكاثرت بقوه بعد .. وإصابات السياكل ام اسبوعين ثلاثه بعد .. وغيره وغيره .. لكن أتمنى من الطاقم المختور القادم يكون عند حسن الظن ونترك هموم الإصابات للأبد ..
بالنسبه لبديل ميسي فـ مادري وش يفكرون فيه هالي مصوتين ! دوسانتوس وموجود اينيستا !! أعتقد بما لايدع مجال للشك ان الأفضل في هالخانه هو اينيستا .. خصوصا انه سبق لعب بهالخانه وادى أداء أكثر من ممتاز .. دوس سانتوس أُُعطي الفرصه بأكثر من مركز وفشل فيه .. ممكن تعطي الفرصه له لكن بالكاس مهب بالدوري أو الأبطال ..
التجديد لسيلفيو أشوفه شي سلبي بصراحة .. خلاص الاعب عطاك كثير وماراح يعطيك نص الي عطاك اياه قبل كذا .. دور لك لاعب يكون احتياطي لأبيدال ويكون مميز وصغير .. او ممكن نرفع أحد من برشلونة بي نستفيد منه ومن دراهمنا ..
السماح لميسي بالسفر للأرجنتين خطوه جدا مهمه له .. لانه في هالمرحله يبي علاج نفسي قبل مايكون جسدي .. أيضا ممكن يعتبرها اجازه مفتوحه ويعتبرها نقاهه بعد .. شفنا الي سواه ميسي بعد مارجع من إصابته الي راحت .. وقتها اول ما أصيب راح للأرجنتين نفس الحاله الحين وجلس فيها شهر على ما أذكر .. ورجع لنا وشفنا الي سواه بعد الرجعه ..
