بمناسبة فوز نادي الهلال ببطولة كأس ولي العهد وفوزه في هذه الليلة على فريق الإتفاق .. أبارك لكم
قالها الفارس .. وحقق مرامه
جابها .. جابها .. شعب الزعامه ××× جابها .. جابها .. الازرق هـديّه
كاس ابو خــالد .. العالي مقامه ××× غاليٍ مَهْــرَها .. ما هـي عَطيّه
بيَّنَتْ عِشْـقها .. شوق ووسامه ××× ماتــبي غــيــر راع المَـــقـْدريّه
قالها الفارس .. وحَقّــق مـرامه ××× كاس جَــدِّي .. عريب الجَد لٍيّه
قالها واثــق وما هـي غَشـامه ××× وافيٍ صـادقٍ .. مـا هــي زِرِيّه
رافع الكاس ..سلمـان الشهامه ××× مَـــدّهـا .. للنجــوم المعْــتليّـه
أوَّل الغـيث .. صَـبّتْـهْ الغَمــامه ××× وآخر الغيـث .. يـاقــربه مِجِيّه
يا هــلالٍ .. تلالا فـي ظــلامه ××× فـيــك زانَتْ سـما نَجْــدْ العًــذِيّه
نوَّرَتْ .. وافرَحَتْ حبّ وكرامه ××× يا هلا .. راعي العادات .. حَيّه
افرحي يا جمـاهير الزعامـــه ××× جابها لك زعـيمك .. لك تحيّه
