من حقي اكفخ في شموخي كما الطير
ومن حقي أعشق ناعمـات اليدينـا
لاني زعيم ودوم ذكري على خيـر
ذكر ٍ حسن يصبح ويمسـي علينـا
حنا الهلال اليا طلبونـا الجماهيـر
وأمواجنا الزرقا طغـت كـل مينـا
حب القمم يكسر قلـوب ومناخيـر
وحنا الهلال اليـا غزينـا غزينـا
جمهور الازرق يالقروم المناعيـر
ياللي رفعتوا الراس في كـل حينـا
ولو خصمنا مثل وطنا مـع الغيـر
نــأزره ونـقـول يالله تعيـنـا
ماهوب سودان الوجيه المصاغيـر
يالله تشفـيـهـم ولا تبتـلـيـنـا
اللي لجل غيـره يطـق المشاويـر
وأعلامهم خجلـى يسـار ويمينـا
بني هلال الزرق روس المشاهيـر
تاريخنـا يشهـد لنـا مـن سنينـا
الشاعر : هشام الداوود
كتبت بعد لقاء الليله وحبيت ان انقلها لكم
اتمنى ان تنال على رضاكم واعجابكم
