| المحور الاول:
التشكيلة كانت مناسبة جدا ، كانت متوزانة دفاعا وهجوما ،، والفريق كان مجموعة وحدة يدافعون مع بعض ويهاجمون مع بعض ..
بالنسبة للتغييرات كانت ممتازة جدا ، الفريدي كان خروجه متوقع في ظل تقدم الفريق ورغبته بالحفاظ على النتيجة، المبارك ايضا كان ممتاز لانه دخل بعد ما بدا التايب في الهدوء داخل الملعب ، ليلو كان دخوله فقط لاضاعة الوقت لانه لاعب سريع ويجيد الاحتفاظ بالكرة ..
المحور الثاني :
نقطة ضعف الاتفاق كانت عدم وجود العمري اوبالتالي تسبب ذلك في تغيير طريقة اللعب للاتفاق وهذا الشي اللي سبب ثغرة في متوسط دفاع الاتفاق والهلال احسن استغلالها بشكل ممتاز والدليل الهجمات اللي كانت من العمق في بداية المباراة.. خطوط دفاع الهلال كانت في قمة انضباطيتها بوجود المقاتل عزيز اللي كان حلقة ربط بين وسط ودفاع الهلال..
المحور الثالث:
المدرب لم يغامر بإشراك ثلاثي هجومي لان عنده عزيز والغامدي بسم الله ما شاء الله خط دفاع كامل وهالاثنين يعطون الثقة لاي مدرب بإنه يغامر بالهجوم اذا كانوا ماسكين الدفاع..
المحور الرابع:
بصراحة االانضباط التكتيكي في الهلال في المباراة كان رهيب جدا .. ما راح اقول ان فيه لاعب افضل من لاعب لان الهلال كان مجموعة وحدة وهذا الشي اللي خلانا ننتصر بمستوى ممتاز ..
المحور الخامس:
شكرا لادارة الهلال ممثلة بسمو الامير محمد بن فيصل اللي كان ساكت وتكلم بعد المباراة واثبت انه كبير بعقله..
شكرا لكل من حرث الميدان الاخضر من لاعبي الزعيم واقول لهم كفيتوا ووفيتوا وما خيبتوا ظننا ..
شكرا كوزمين ،، والله اني من بداية الموسم انا معجب بطريقة تفكيرك وهذا انت جبتلنا بطولة بفضل الله ثم بفضل جهودك مع اللاعبين اللي كانوا عند مستوى الثقة..
ياسر .. كل يوم يزيد حبي لك
طارق ..زعلتني في البداية بس بعدين رجعت واقنعتني غصبا عني ..
شلهوب .. كم انت كبير ايها الصغير ..
فريدي .. الى الامام يافيلسوف المستقبل بس تكفي يا احمد خلك حامي اكثر من كذا في الملعب..
عزيز .. شهادتي فيك مجروحة..
عمر .. تعجبني ثقتك في نفسك..
عنقري ..انضباطك يخلي الواحد يرفع لك القبعة ..
خثران .. هدوءك وخبرتك دايم ترجح كفتنا ..
تيفا+ مرشدي .. صمامات امان ..
الاخطبوط ابو عبدالعزيز .. كبير والله كبير ولو اتكلم عنك في مجلدات ما اوفيت حقك..
المحور السادس :
الجمهور بيض الوجه وكان عند حسن الظن ، واقولهم ما قصرتوا ، يارب دوم تظلون كذا ولعلمكم كل موا حضرتوا ما راح ترجعوا الا ببطولة ..
المحور السابع:
احداث المباراة كانت ممتازة ، بداية من الهدف الاول بعدها تطمننا كجماهير وجا الهدف الثاني وخلانا نتفاءل اكثر ان البطولة قربت من الخزينة الهلالية، بعدها شفت الانضباط التكتيكي الهلالي اللي كان بصراحة شي رهيب ..
الى الامام ايها الزعيم وما دمت انا هلالي اذا انا فرحان ..
شكرا لكم واسف على الاطالة | 