نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الـمـشـاغـب · #12 07/03/2008, 02:13 PM

صحيح لا قالوا بعض الصبايا لحسة مخ

الحين من اللي منزل الموضوع .. العنود ولا أمها؟

طيب السؤال اللي يتوطى ببطن نفسه كيف عرفتوا أنها أمها؟

المهم ..

دام أنها أمك يالعنود .. فلازم نرد رد متعوب عليه ونبيض وجهك الأسمر قدامها

نبدأ بفصفصة الفلسفة على بركة الله

إقتباس


	أدركت ان الحياه كالقطار .. فنحن ركاب هذا القطار .. ينزل منها البعض , ويركب البعض الاخر .

لا أنا أخالفك أختي الكبيرة أم العنود .. الحياة هي اللي مثل القطار

والا لما قالت الخنساء قديماً : " الحياة حلوة .. بس نفهمها .. الحياة طعمة .. بس نطعمها "

<< يا زيني وأنا أتميلح قدام الحريم الكبار

إقتباس


	وناس يسيرون ويعلمون الى اين يذهبون .. والبعض الاخر لايعلمون .. تائهون في عالم كبير جدا ..

جميل جداً .. أعلق وأصفق أعلق وأصفق

بس أخالفك هنا

<< لازم يخالف

العالم قرية صغيرة خلاص .. ما عمرك شفتي مسلسل العو عو عولمة؟

هذا المسلسل يدحض افتراءاتك وخرابيطك

<<< وقسم جاب العيد وفشّل العنود عند أمها

ترى أمزح يا أنتي

إقتباس


	ومع مرار السنين .. لايتذكرون .. اوجه بعضهم من كثرة لازدحام..

ايوه قولي ازدحام مو مشكلة .. نصدقك فيها ..! أما تقولين عالم كبير كثري منها

<< لا تسألوني ليه قلبت عليها .. لأني أنا نفسي مدري

فالحياة سر جميل مثل الوردة لونها جميل ..

إقتباس


	لاتستحمل الهم والحزن .. فتذبل ولكن اذا أتها فرح وسعاده .. وأمال ستعيش !!

أعجبني هالمقطع حيل .. ورده

احمدي ربك ما لقيت شي أخالفك فيه

إقتباس


	فهي ليست سهله وايضا ليست صعبه .. كما يتخيلها فئه من الناس !!

ما هي سهلة .. ثم ما هي صعبة .. أجل وش تكون؟

ارسي لك على بر لو سمحتي

<<< أحد يعلمني وش فيني قالب؟ أحس أني قلّيت أدبي يا ناس الحقوني

إقتباس


	*القلوب التي لاتغسلها الدموع يتراكم فوقها الصدأ

يا كثر القلوب المصدية أجل ..!! الله يلين قلوبنا ..!!

إقتباس


	*من عرف نفسه لم يضره ماقاله الناس فيه ..

بيض الله وجهك

حكمة اتخذتها شعاراً لنفسي منذ زمن ... والحمد لله مرتاح نفسياً

إقتباس


	*اعتمد على دماغك في القضايا التي تهمك .. وعلى قلبك في القضايا الي تهم غيرك ..

بل القلب والعقل معاً

تختلف نسبة الاعتماد عليهما حسب نوع القضية وحسب نوعية الشخص الذي يواجهها ..!!

هذا ما أعتقده أن قراراتنا لا ينبغي أن نتجاهل أي من العقل أو العاطفة فيها ..!

إقتباس


	*الحياة كالبحر اذا اردت العيش فخذ معك سفيتة الصبر ..

وصف جميل .. سلمت يمناك أم العنود ورده

إقتباس


	( هيلين كيلر ) الحياة إما أن تكون مغامرة جرئيه ... أو لا شيء

أبحلف أن ما عنده سالفة هالهيلين كيلر

مهايطي على فاشوش

يقول مغامرة جريئة أو لا شي وأنا بأحلف أنه رخمة بس يهايط

إقتباس


	(سومرست موم ) لعله من عجائب الحياة ،إنك إذا رفضت كل ما هو دون مستوى القمة ، فإنك دائما تصل إليها

سومرست موم مدري ليه حبيته من اسمه؟

اسمه رهيب من خمسة حروف ومكرر بعضها ولها وقع موسيقي عالي

أنا خقيت معه خلاص

بالنسبة لمقولته .. أجدها عادية ومستهلكة ولا جديد فيها سوى صياغتها

-------------

أختي أم العنود ورده

اعتذر لك إن كان في ردي ما يزعلك .. والله رديت وعقبت على كل كلمة مع أني مبطي ما رديت مثل هالردود .. لكن لتشريفك لأول مرة المنتدى حبيت أرحب فيك وأرد على موضوعك الجميل اللي ما عرفت
تنسقه زين العنود

هي وش عرفها بالتنسيق ؟ كان استشارتني أو أرسلت لي بالخاص وأنا كنت راح أنسق الموضوع

خلاص .. فمان الله العنود أنتي وأمّـش ورده ورده

برايفيت للأعضاء اللي عندنا بس

:

بالله وش رايكم فيني وأنا قاعد أتميلح قدام العجايز؟

بالله لا تفشلوني وتردون تقولون
موب لايق ومن هالخرابيط اللي تعودتها منكم

لا تخافون .. أم العنود ما بتقرأ الكلام ذا .. ما تعرف وش البرايفيت

خلاص انتهى البرايفيت .. طسوا