خخخخخخخخخخخخخخخخخخخ

واذكر موقف حصل لاحد الاصدقاء ..

طبعا الفصل كان ثالث ثانوي / شرعي ...

الشاهد ان الطلاب كان عندهم يوم الاربعاء الحصه السادسه ( اخر حصه ) اختـبار تعـبـير ( انشاء ) .. المهم في الفسحه الثانيه الطلاب دروا ان مدرس التعـبـير غـايـب .. مما يعني مافيه اختبار و بيطلعون بعد الحصه الخامسه ..

المهم يوم خلصت الحصه الخامسه .. وبدت الحصه السادسه وانتظروا شوي .. ومافي احد دخل الفصل ... انبسطوا الطلاب على اساس انهم بيطلعون خصوصا ان اليوم كان اربعاء ..

الشاهد انهم توهم يجهزون انفسهم الا ومـدرس الاحـــياء يدخل عليهم

المهم تو المدرس داخل ... الا وشوي ..

ويرفع واحد من الطلاب يده يبغى يسال مدرس الاحياء .. قل المدرس تفضل اسال ..

قال استاذ .. البلعوم الى الحين بمحـله ولا تغير ‍!!

المدرس حس بشوي تريقه وسكت قال يله طلعوا ورقه عليكم اختبار تعـبير ...

رفع الطلاب نفسه يده وقال استاذ .. حنا ماعلينا اختبار اليوم تعبير !!

قال اصلا استاذ التعبير أجل الاختبار للاسبوع الجاي ... ونبي الحين نطلع

قال مدرس الاحياء يله بس طلعوا اوراقكم ..

قالوا الطلاب مناب مطلعين اوراقنا .. ماعندنا اختبار

المهم نزل مدرس الاحياء للمدير بيعلمه عن السالفه ... جاء المدير و المدرس للفصل ..

المدير دخل وقال ياشباب وراكم ماتبون تـخــتبرون ؟؟؟

قال الطلاب نفسه اللي يتكلم ... استاذ احنــا نـبـي نختبر وقلنا للمدرس بس هو مايبغى ‍!!!!!

المدرس تغير وجهه 180 درجه .. وقال يكذب يكذب .. والطلاب ميتن ضحك والمدير ماقدر يمسك نفسه وضحك لانه عرف السالفه كلها !!!

الشاهد انهم اختبروا .. ومن يوم السبت قدموا في الاذاعه اعتذار من طلاب الشرعي الى مدرس الاحياء .. وصار مدرس الاحياء صديق لهم .. وصاروا يتذكرون الموقف كل ماتقابلوا


يازين ايام الثانوي آآآه ...