!! .. [ السلام عليـكم ورحمه الله وبركاته ] .. !!
* * * *
و الله مـدري من وين أبدأ ولا أدري وش أقول .. وفي هـ الموضوع مـا أدري وش المفروض يكون معمول فيه 
بس الشكو لله .. 
بحكم انـي [ مفارق ] للمواضيع منذ برهه من الزمن 
قررت أصرف نفسي و أكتب أي شي .. و [ أشخبط شخابيط ] .. وكـ العاده اذا واحد نفسه يكتب موضوع ومـافي رأسه [ فكره ] يقوم ويفتح صفحه جديده .. ويكتب موضوع صغيرون <-- ما اذكركم بالبنت الي مسكت مكان روضه 
بشاعر المليون واذا ختم من موضوعه الصغيرون يجيب موضوع صغيرون واحد ثاني الا أن يصرف نفسه بـ شي يفتح نفس الـي يقرا .. 
المهم ..
بدايه المواضيع الصغيرونه .. عنوانه
!! ..{ و يرزقه من حيث لا يحتسب } ..!!
كنت فـي يومي الغير محبب لـي .. وهو [ الجمعه ] بحيث عشان انه ينذر بـ بدأ الإسبوع الدراسي 
.. مـاعليـنـا أهم شي .. اني [ جهزت ] نفسي لـ صلاة الجمعه , وألبس ثووبي و أحط فيه الجـوال .. و المحفظه السوداء <--- ترا الخط ما جا عبث و أحظر الخطبتين .. ما بين [ وسوسه ] وتفغير , وسماع للخطبه شوي و " الله يصلح الحال " ..
فجأة يطيح واحد شايب سمين من على كرسيه , لأن رجول الكرسي أنكسرت فـي نصف الخطبه الثانيه .. انـا قلت بيصايح ولا يتألم ولا شي بس الرجال قام كأن مـافيـه شي .. مع أن طيحته قويه , لكـن قوموه وقعد يتلفت حول المسجد بحثـاً عـن كرسي آخـر .. لكـن ما أقول الا ما شاء الله عليه ..!! [ مـاسبق مـاهو قصتنا .. و التالي هو المطلوب من القصه ] ( لسان حالكم يقول .. ممشورنا على الفاضي ) المهم .. بعد انتهاء الصلاة , طلعت باحثاً عن نعلتي حفظها الله 
فهي تأخذنـي الا المسجد ومكان العلم .. و أماكن النفع .. وانا خارج من المسجد شفت [ بنت ] و أخذت افكاري تتضارب , تاره تقول افاكري .. يالله يا ريان ذب عليها الورقه محد شايفك وتارهـ تقول افكاري لا يولد قبل شوي طالع من مسجد وتخرب نفسك هنا .. و اللـه حـالــه ..!! لكـن بذكائي الخارق .. قلت أجمع بين الفكرتـين .. أخرجت محفظتي وكما هي العاده
يوم الجمعه كان 22 من الشهر .. يعني آخر الراتب .. ومافيه الا فلوس قليله
وطلعت من مافي جعبتي [ 6 ريالات ] واعطيتها .. البنت المسكينه الي أنـا خاق معها .. ( امزح ترا ) ورجعت البيت .. وكل شي حلو و الوضع تمام و الغدا مثلوثه 
و ياسلام سلم .. طبخ جدتي بيتكلم لبست [ بنطلون ] من ارشيف الدولاب وكملت يومي عادي و طلبت عشا .. لكن وانا اطلب العشى من صديقي [ كودو ] فتحت المحفظه و يـال دلاختي .. فقد اعطيت البنت الجميله 6 ريالات وها هنا أنا احتاجها كم هي قد بنت قد صارت قبيحه شوي و القلب يحزن 
والمدامع كثيرة .
. وكان فيه محفظتي 6 ريال كانت هي الي تنيره لكن بـ الصدفه وقسم بالله .. ادخلت يدي بـ الجيب الخلفي , من بنطلوني الي أخذته مـن الأرشيف .. ولقيت سبحان الله بدل الـ 6 ريال الي عليتكم فيها حصلت 12 ريال وصحيح [ ويرزقه من حيث لا يحتسب ] ..!!
موضوعي الصغيرون الثاني وهو ماله عنوان أو انا بحكم تغير موعد نومي
عشان أكتب موضوع لكم .. فـ العين [ تشقى ] والمخ متعطل عشان كذا
مـا لقيت عنوان .. وأي اقتراح يقدم للجنه وشكرا ً
!.!.! كـان فـي أحد السنين .. شخص وسيم الا وهو محدثكم يحلق شعره عند حلاق [ لبناني ] على خشبه الأطفال .. " لأنه حينها كان صغير " اما الآن فهو بعير المهم .. كنت أتسامر مع هذا الحلاق و نسولف وندردش مع بعض احلى من سواليف دردشه مزنه .. و كبرنـا في العمر أنا وهو , وما أزال احلق عنده وكل ما أجيه يرحب بـي بـ إبتسامه 
و النكت الجميله و السواليف عن المباريات .. وكأس العالم 98 فهو آخر كأس عالم شافه وكـل مـا هو مضحك وجميـل .. فهو سر وسامتي و مقصه اكبر دليل المهم .. في يوم الجمعه نفسه , الي خقيت فيه مع البنت أم 6 ريال رحت حلقت عنده .. لكـن احساسي يقول ايش الهرجه فيه شي غريب بالمكان انا داخل الحلاق .. وأذب وأمزح معاه , لكـن تعابير بسام البناني بدت [ شاحبه ] [ فقط ] ابتسامه منه خفيفه .. عشان يسلك لي 
لكن لا سلام ولا سحاب و لا مطر ولا غيوم ولا هوا <---نقلب الموضوع اغاني ابو نورة احسن المهم .. أكتشفت أن أخوه ميت .. وحلق شعري [ احلى ] حلاقه و فيه بـعـض السواليـف .. وإن كانت قليلة لكـن هنياً لك يا بسام يا قوي تحدا الألم .. و الوجع , و القهر , و البعد عن لبنان السعيد و بـ المقابل .. خدامه كانت تشتغل عند جدتي الي تسوي مثلوثه توفت [ صديقتها ] ( يعني صديقه الشغاله ) فـ أخذت الخادمه بـ البكاء و النواح و الصياح ..و التسخط..والتلطيم وقالت انا مقدر أشتغل .. وانا قلبي تعبان , وانا أبغى أموت معها و بآخذ إجازة .. وأنا مقدر أعيش بدون صديقتي الصدوقه [ بومبا ] . سبحان الله .. شتان مابين هاذا الي تقبل الأمر , وأخفى حزنه داخل جوفه و هذي الي أزعجت الدنيـا ومافيها , وكل ما بغت ترتاح من الشغل [ موتت افتراضياً ] احد قرايبها وصديقاتها عشان تريح من العمل شويتين . امـا الموضوع الصغيرون الثالث ..فـ قسم بالله متكاسل ومتعيجز اكتبه و الله اللياقه [ تعبانه ] عشان كذا بقولـcom الموضوع بـ إختصار و لكـل واحد منكم أنـه يخمن القصه بالتفصيل .. ترا والله مافيني حيل .. !! فيه طالبات مدرسه ابتدائيه بالرياض .. راحوا رحله مع المدرسه
المهم .. خلصوا رحلتهم , لكن قبل ما يوصلون المدرسه ,, وقفوا عند
ماكدونولدز .. الي عند جامعه الملك سعود .. وهو معروف انه [ تجمع ] شبابي
و باقي القصه لـ التخمين .. مافيني حيل اكتب و أعتقد الباقي [ معروف ] ..!! و ياليل خبرني عن أمر المعاناه .. هي من صميم الذات ولا ااجنبيه
هي هاجس يسهر عيوني ولا نام .. أو خفقتـ(ن) تجمع في قلبي عتيه
^ ^ ^ ^ <--- وش دخل ذا بالموضوع آخر مواضيعي [ السامجه ] الصغيرونه و الجميله .. الا وهو انـا عن نفسي اسميه [ قدوة الدائري ] و الرجاء من اهل الرياض [ فقط ] قرائة الموضوع .. ومن جوارها , اما من يقرأه وهو من غير الرياض فـ ستتوقف عضويته .. والكلام جد ترا مو مزح ( لحد يصدق ) . العنوان
!! .. [ ياليت كل المخارج 7 ] .. !!
يقال انه و يشاع ويتداول عند الناس .. أن مكان دراستي هو في حي الفلاح
على مخرج 7 .. وكانت اشاره هذا السبعه [ تسبب ] الزحمه في وقت الدوام
و نسبب بـ الإنتظار فيها مده طويله .. وتأخرنا عن الدوام وحاله صعبه
ولكـن مع مروور الزمن مرووره .. اخترعوا حركه جديده الا وهي انك ما توقف عند اشاره .. ولا تقطعها ولا شي الحين شالوا الإشارة .. وتلف يمين مباشرة .. وتمشي قدام شوي بعدين تسوي تديور ااذا كنت بتلف يسار .. [ ما أظن احد فهم ] . لكـن انصح الوافدين من برا الرياض .. زيارة هذا المخرج على الدائري المسمى بـ مخرج 7 .. فهو ونعم المعلم ..!! و أعيد .. وأكرر .. وأقول
ليت كـل المخارج 7
هانت يا شباب ويا صبايا .. ترا الموضوع ما بقى منه الا القليل و [ تفتكون ] بس فيه قصيدة ألفتها .. أستحي أقولها للـ الناس عشان كذا بـ أكتبها كتابه للـ ملعوميه .. القصيدة كلها عبر وحكم يقول الشاعر عـز الهــ[ ريان ]ـــلال احم .. احم ( والله اني مستحي ) كنـا انـا وصويحـبــي نسمع من جدنـا احـلـى القصص والعبر قـلـتـلـه يا [ فــــلان ] وش استفدت من هـ الحـكـم و الدرر قـال والله ماهمتني ؟! اهم شي كيف أشتري من الـ[ شانيل ] عـطـر و للــ مرسـيــدي أحـلـى جـــنـط وأحـــلـى كـفــــر و كـيـف أتهـنـى فـي شرم الشيخ 
.. وأنسى باقي مـعالـم مـصـر مــع ســـوســو ونيـلــي .. وكـأس الــخـــمـــر قـلـتـلـه ؟! مــــا ســمـعـــت بـ [ عــذاب القــبـــر ]
و قـتـهـا .. مــايـنفـع غــيــر عصر ومغرب وعشا وفجر وظـهـر
قالي !؟ ان ربك غفور رحيم
قـــلــتـله .. مــا سـمـعـت بـ يوم الـقـدر و قتها مـا ينفع لا خوي ولا صاحب .. ولا ولـي أمـر يا مــا يكون مكانك فـي الفردوس .. ياما تعذب في سقر 
مـا أقول الا [ الله يجمع القارين ومن يعز عليهم والمسلمين أجمعين ]
فـي الجنات مــع سيدنـا آدم ونوح وعيسـى .. و موسى و الخظر ومـاننـسى .. سيدنا المصطفى سيد المرسلين .. وخير البـشـر تـــحــت ظـــل نـــخــــيل وشــــجـــــــــر نسمع من سيدنا القرآن شويه من سورة الرحمان و شوية من سورة الفجر و سلامتكم هاااااااه بشروا عسى القصيدة زينه .. واذا كانت بايخه فـ ترا ماتحلى الا بإلقائي و أهم شي لا تتدقوون في القافيه و الأشياء البايخه ذي يااااهـ .. فـ الاخير بعد هذا الموضوع .. أو المواضيع بـ الأحرى
هنـا أنـا أختم .. وأعذرونا على السخافه تارة .. و الدلاخه تاره أخرى
وقبل مـا أنتهي .. الرجاء .. الرجاء .. [ تدعون ] لي أن الله يوفقني
فـي أختبار القياس .. أو القدرات في رواية أخرى
الله .. الله بـ الدعاء
و
سلاميشو ... 