السلام قبل الكلام وكل عام وانتم بخير
تطرقة قبل ايام لمشكلة الشلهوب وما يسببه كثغره للفريق من دون ان يدري لتكليفه بمهام اكبر من حدود طاقته ولان ساعرض وجهة نظري للجهه اليمنى
انا كنت وما زلت متفائل بمستقبل عمر الغامدي الكروي اذا سلم من اهمال موهبته لكن الغامدي سراحه ضاع في الطوشه مثل ما يقولون فهو بدء مع الفريق كمحور والمعروف ان هذا المركز يحتاج اللاعب فيه لاكثر من سنتين على الاقل حتى يبدء التمكن منه وارجعوا لبداية المحاور في الهلال دون تحديد للتاكد من ذلك
الغامدي مثال للمحور العصري في الكره الحديثه اللي حنا متاخرين عنها طبعا فلو نظرنا لدفيش وسيدورف الهولنديين واميرسون البرازيلي ومكاليلي الفرنسي ...الخ للاحظنا الفرق في مهام اللاعب
عن ربعنا واقصد خميس والهذلول سابقا ..الخ فالمحور يتقدم يسجل يمرر ويسدد ويساعده انه ياتي من الخطوط الخلفيه كما يقولون دون رقابه وانظرو دون تعصب لمستوى نور الفني فقط حاليا لمعرفة القصد
المختصر بعد المقدمه الممله ان الغامدي الان تم طمس هويته في الملعب فهو يلعب وسط ايمن من ايام المنتخب الاخيره وفي النادي اي في غير مركزه اللي شفناه بدء به ولانه مثل الباقين يتوقعون ان الاخلاص للنادي ان تلعب في اي مركز وباي اصابه يتحامل عليها وباي جاهزيه لياقيه ودون مصارحة المدرب بكلمة لا استطيع بالاضافه للثقه الزائده انهم سوبر ستار قادرين على كل المهام..الخ وهم لا يعرفون انهم بهذه الطريقه يقضون على النادي ويضرونه لذا
ضاع الغامدي وضيع مشيته وعذر المدرب ان ما عنده احد في الجهه اليمنى طبعا مافي لاعبين درجة شباب ولا غيره والنتيجه انه رسب في المركز الجديد وضيع مركزه الاساسي والفريق دج يعني كلهم خسرو والجماهير تدفع الثمن صحيا ونفسيا
التصحيح يجب ان يبدء بوضع كل لاعب في مركزه المناسب ولا يكلف لاعب بمهام اكبر منه ولو رجع الغامدي للمحور لا ستفدنا من الجهه اليمنى بلاعب افضل ولارتحنا من المحور بوجود بدره معه بالاضافه ان الغامدي عنده مهاره فرديه وتمرير ممتاز للكره بالنسبه للاعب محور وهي اقل من المطلوب للاعب وسط ايمن!!!!
الختام عندي توقع الزمن سيحدد صحته مازن الفرج لو يجربونه كمحور سيكون اسطوره المركز في الهلال بعد الهذلول لانه جسم ماشاءالله رياضي +مهاره+لياقه+امكانيات
التوقع الثاني لو يثبتون مجرشي ضهير ايمن بدل الدوخي الضايع وتصبرون نصف صبركم على الدوخي لكسبتو لاعب للثمان سنوات القادمه
####ضهير ايسر يجيد مهام قلب الدفاع(المطيري) ضهير ايمن يجيد مهام قلب دفاع(مجرشي) بينهم مدافع صح(الشريده او خليل) بالاضافه لتعديل الوسط الايمن(التمياط) والايسر(الخثران) وصانع اللعب(الشلهوب) محاور صح(بدره+غامدي او عزيز) وهجوم سوفو+ الروسي الجديد((اذا مستواهم يستاهل)) مع عودة الخثران لتغطية الضهير الايسر ودخول المطيري مع قلب الدفاع وضغط المهاجمين على دفاع ووسط الفريق الاخر هو افضل تكتيك باختصار للهلال في الاسيويه والمستقبل بس من عنده جرائه ويبدء