هلا بـ(أبو طلال ) الشتالي

قسم بالله إنك بطل !! وتحليل كيّف والدا والديني .. أيه هذي الناس اللي تنتقد صح !!
تراك ما خليت شي الا نقدته !! ما بقى الا لوحات موبايلي تقول ورا الازرق مخلينه شوي غامق

بس نظرتك الفنية (ارفع لها طاقيتي الشخال احتراما ) !! واسلوبك .. أعجبني !!

تعجبك البساطة !! تخلي كل شي واضح وسلس !!

إقتباس لكن الحين وش نقول للناس ؟؟ خصوصا بكرا معزوم عند ( نصراويين )

أنت حددّ أول .. هل تبي تقول (للناس) وإلا (للنصراويين) !!

للناس : أدري منصدمين !! لأن الهلال ياكل الاخضر واليابس .. لكن لكل مباراة ظروفها !! و روح الفريق لو هي تستمر زي ما نبي ( قسم بالله ما أحد ياخذ بطولة غير الزعيم ) .. لكن الظروف تجبرك .. و المسألة وما فيها (سوء توفيق ) .. والمباراة الجاية .. باذن الله مع الشحن والتهيئة النفسية .. راح يتغير وجه الفريق


على طاري التهيئة النفسية .. هل إدارة الهلال تعي (( قوة تأثير هذي النقطة )) ؟!
التهيئة النفسية .. ميب بس اجلس مع اللاعبين نص ساعة قبل المباارة .. ويالله ولازم نفوز ولازم نتجاوز !!
لا !! (( نفسيات اللاعبين وطبايع اللاعبين .. تحتاااااج قوة محفزة مفقودة !! )) ليس بالضرورة فلوس !! ليس بالضرورة وعود !!
ربما (( التفاف جميع اعضاء الشرف واتصالاتهم .. باللاعبين ترفع مستوى هذا المحفز))
ربما (( اجتماع مغلق بينهم وبين بندر بن محمد لمناقشة بعض الامور والفضفضة لبعض .. )) ترفع هالمؤشر !!
ربما زيارة ( طبيب نفسي ) متفهم !! تحفز وتهيؤ نفسيا !! كبار الفرق العالمية استعانت بأطباء متخصصين مالمانع ان نستعين !!
التحفيز والتهيئة النفسية .. ليس مجرد (دردشة والا كلمات تطبع على اوراق الصحف) !!
إذا ما فيه (هالدعم النفسي وقدر الداعم يوصله بشكل متميز .. فلا تطالبون اللاعبين بشي ء !! هم بشر .. لهم مشاعرهم ولهم قدراتهم !! اذا كانت خارطة الفريق كلها مشتته !! فالغلط جماعي !! اذن التحفيز لابد أن يكون (بجرعات أكبر .. وبوقفة صادقة !! ليس لمجرد "الكلام")

هذي نقطة /


بالنسبة لردك على النصراوية : قل لهم (( أيه نبي نفوز ان شاء الله بمباراة الاياب على الشباب عشان نقابلكم على النهائي خخخخخخخخخخخخخ )) ويا حبذا لو يكون في جوالك .. مقطع للتايب وهو يرقص بهم واحد واحد .. وقل انتم ناس (راعين بربرة ) وحنا راعين (أفعال) .. خوذوا ( هالمقطع تونسوا به .. الين يقضي عشانا )