| فكرة متميزة من عضوة كلها تميز !!
هذه قصيدة محمد بن حسن بن ساقان القحطاني بـ عنوان ][ الشايب ][
على صبح العويل بصدر هاك العود يـا درويـش
صحا والنار تأكل من حطب جوعه صبـى بنتـه
نهر وبنيته تفرك محاجرها يبه به عيـش؟؟؟؟؟؟
يبه..... و الصمت حار و ثرثرة لطفله اجفنتـه
قام يمتر الشارع على عكازتـه بشويـش
يدور من صباح النور نورا بآهة أزمنتـه........
وتشنق حلمه خيوط الشعاع وبزغـت التغبيـش
و يكفكف عينه وينعق بلم غـراب .....ونونتـه
وأمر أحيان من حوله ولا يطالع تدري ليـش؟؟؟
يخاف تقول عيني يا فقير الحال هذا انتـه..!!!!!
و أحاول ازرع الرأفة بارضـا تنبـت التطنيـش
أبي لمن يبس مـن شيبهـا قمـت وتسوسنتـه
ياليت أكون طيـر وحالتـه جنحـان وإلا ريـش
عشـان كـل مـا ضمـت جنحانـي تحضنتـه
أبيه يعيش زي ما هـالاوادم بالحياة.....تعيـش
مع إن مدة يديني قبـر وقروشـي هـي كفنتـه
كثر ما تصرخ أيده بالفقر يا محسنين قريـش...
كثر ما صافح من الفقر حالـه و أكثـر أحزنتـه
وأنا كل ما عطيته قرش حس القرش له بخشيش
عشان يقوم يدعي لي بعسى ما أعيش بمحنتـه
وأشوفه يسابق صغار القطط على فتات الويـش
يا عمـي خلنـي ساكـت تهـد الحـال انئنتـه
تخيل..... بيده العيش وعجز لا يأكل من العيش
لان ما عاد به حيل كثر مـا أوجاعـه أوهنتـه
واخذ كف الرصيف يلقمه من نظـرة التهميـش
وأخذت امضغ وجعه وكل مـا غصيـت عاينتـه
يدسدس!!باقي أوجاعه على جنب الرصيف بخيش
يخاف إن حزنه يضيـق صـدره علـى بنتـه؟؟
كنه لات اه اه شفت وجهه فـي مرايـا الطيـش
ملامح شايب متهـدلا وجهـه مـن أزمنتـه....
والأصعب تهجاي الوجع فـي نظـرة الدرويـش
سوى لمن قرى في وجهك الرحمة إذا عنته......  | 