السلام عليكم

البارحه بالليل صار لي موقف بغيت أفطس من الضحك .

كنت رايح مشوار بعيد شوي حوالي 35 كيلو .. طبعاً بالسياره مو مشي ;)

المشوار كان شوي يجيب الهم والإكتئاب ... المهم وأنا راجع بالسياره مامعي أحد ماغير لحالي
والوقت كان آخر الليل وقفت عند إشاره كانت حمرا وطبعا كل السيارات واقفه
بينما أنا كالعاده مسرح ويغلب علي النعاس ... في حركه فجاءه وغريبه نزل واحد من سيارته وراح عند الإشاره يكلمها بصوت عالي جداً وعلى مرأى من الناس ويقول ( ورا ماتفتحين يالسربوته )
(( ماعندك إحساس )) .. (( ماعندك مشاعر ))
(( تشوفينا مستنينك ولاتعطينا وجه ))
( أفتحي ... أقولك أفتحي يابنت الكلب ) .. وخذلك من هالكلام ... وكان باين عليه التعصب والانفعال لكنه والحق يقاااال ماسوا لها شي ماغير تكلم عليها وقال لها كلامات جارحه ..

والشي الغريب أن الرجل إنسان طبيعي فيه كل علامات الوجاهه والاحترام .

أنا لم أتمالك نفسي أبداً أبداً أنفجرت ضحك ولحد إلحين كل ماأتذكر الموضوع الغريب .
وفي بعض الأحيان أفكر أقول هل هو مخبووول أم ماذا .



صدقوني مهما قلت ماراح أوفي المنظر الي شفته والحدث الصوره المطلوبه
وسيضل عالقاً في ذهني لفتره طويله ...

لكن لو حدث لك هذا المشهد ماذا ستفعل .

تحياتي ؛؛