|
تعادل الارسنال 2-2 .. تعال شف اللاعبين وش سوو بعد المباراه !!
السلام عليكم ورحمه الله
مساكم زعامه
وهاردلك التعادل امس وان شاء الله تكون خيره وبدري على الدوري
الموسم الي راح برشلونه لعب الى اخر مباراه وهو ضامن الكاس ولكن خطفها ريال مدريد بعد تعثر الاول
نقطه بس لفتت انتباهي بين مباراه اليوم للارسنال وبين مباراه الهلال امس
العامل المشترك بين المباراتين انهم كلهم يصارعون على اللقب
الفريقين كلهم تعادلون
لكن الفارق الكبير
بعد تعادل الارسنال اليوم طلع كابتن الفريق جالاس وهو يبكي ويصيح وينزل راسه حسره مع ان الدوري الانجليزي باقي عليه الكثير
لكن فريقنا امس نجوم السامبا بعد المباراه سلام وضحك وسواليف كنهم ماسوو شي الراتب وضامنينه واماكنهم مضمونه وكأنه مافيه بديل لهم
فصار اللاعب عندنا عنده ثقه كبيره بنفسه حتى لو يجيب هدف على نفسه عادي عنده لانه ماوراه احد يحاسبه ويخصم من راتبه ويحوله للاولمبي خمس مباريات الى مايعقل
للاسف فريقنا مايتاثر بلاعب ولا بظهير ولا مدرب ولا رئيس نادي ولا اداره فريق
فريقنا ماعنده رووووووووووووح
اكبر الفرق العالميه ينقصها لاعب لاعبين وعندهم لاعبين زلايب ومع ذلك يفوزون ويقدمون مستويات كبيره حتى لو اضطر المدرب يحوس بالخطه مثل مانشوف تخبطات مدرب برشلونه ومع ذلك الفريق يفوز
لانه عنده لاعبين يلعبون بروح وبمقدمتهم كابتن الفريق بويل ( لو عندنا لاعب واحد بس يلعب بدمه مثل بويل كان حنا بخير )
الزبده
الدوري للحين فيه امل والامل بالله كبير واذا راح لغيرنا فهي خيره ومكتوبه لهم
والله يوفق الجميع  | 