إقتباس جمهور الهلال في الرياض انتم مقصرون في الحضور!! نعم مقصرون في حق فريقكم خاصة المباريات التي ضد فرق الوسط والقاع..جمهور الرياض اتمنى ان تقوموا بواجبكم تجاه عشقكم الابدي فمن له غيركم يسانده

لاوالله ماحنا مقصرين ولاهم يحزنون
قسم بالله من الساعة 4 العصر وحنا بالملعب
بررررررررررررررد يقص العظم
اهل جدة رطوبة والجو ممتاز
واهل الدمام كذلك
واهل حايل فديتهم مايشوفون الهلال الا بالسنة مرة يعني اكيد الواحد يذبح نفسه عشان يحضر
واهل تبوك من متى جاهم الهلال في تاريخه الا مرة واحدة
وكذلك بقية المناطق
الهلال لايزورها الا مرة بالسنة لذلك طبيعي ان يحضر الجمهور بكثافة
وحنا يالرياض لعن خامسنا البرد وانتم ازعجتونا مقصرين مقصرين
وش نسوي نمر على شباب الرياض وناخذهم من المقاهي
ماينلامون والله برد برد برد واللي حضر الملعب يعرف البرد
ياشيخ وش موقفك لو تجي من 4 العصر وبهالبرد وفريقك يقدم هالمستوى
بالله مو قهر

واعتقد حضور امس جيد بهالتوقيت
وبعدين نصف الحضور طلاب جامعات ومداس
ومباريات الهلال 2 في الاسبوع
يعني 40 ريال على اللحية
ترا مو كل الناس تقدر
لاحد يقول الهلال يستاهل
في ناس الله اعلم بظروفهم والطلاب لولا المكافآت كان ماحضرو


خلاصة الكلام لاحد يقول اهل الرياض اهل الرياض

لاعبينا ماهم حضورنا والا غيابنا
نجي ولاحتى يكلف نفسه اللاعب ان يرفع يدينه تحية لنا
يجون ولنصف الملعب يوقفون
شوف لعيبة الاتحاد
يرقصون مع جمهورهم رقصات كثيرة بعد كل مباراة
حنا اذا انتهت المباراة راحو يركضون للمذيعين