---->>> حالفه والله لأكتب موضوع قبل لا أسافر



بس ودي أكتبه على طريقة الكشخة (( يا شين القراوه )) في الوسط



لا ماش ماعرف... الهندي هندي لو راح السودان

المهم ... أنا سوف أعووود لأيام السخافه و تزهيق الناس بموضوع شين بس أشوفه حلو (( زي القرد في عين أمه غزال)) وش أسوي عاد .. ربي خلقني ماصله في عيونكم بس ولا أمي دايم تقول اني خفيفة ظل

----->>> لا تزودينها طيب

أنا الحين مع الحماس اني بكتب موضوع مدري هوعن ايش توني متروشه و شعري مسوي شجره مسبب لي أزمه يذكرني بشكل عتاب أول ما دخلت الوسط الفني .. أو بشكل سواقنا السوداني ان نسى يقوم الصبح عشان الجامعه و يجي مخروش بدون ما يلبس الشماغ .. تصدقوون عاد ان الشماغ نعمه عندنا ولا كان أنواع المواهب طلعت في رجالنا و محد معرس ..

خل اقول لكم سالفة وحده أمس شفناها في أحد الأماكن العامه حاطه الطرحه على كتفها و الشعر اللي كنها رايحه عرس و مكياج اللهم صل على محمد لدرجة اني فجأه حسيت اني شينه و يبيلي تعديل خشه بس أجّلت هالموضوع لين ما نحل مشكلت هالبنيه .... كان معي بنتين من نفس النمونه راعيات مشاكل و بيني و بينكم توني أكتشف انها عشانها حلوه غرنا و حلفنا الا نسوي لها مأزق ( ) ..

عصبو البنات اللي معي قالو خل نلعب عليها و نقول لها حنا حريم من الهيئه.. و راحت الأخت صاحبتي لها و مسويه فحله بتهزئها الا و أمصعها مع ظهرها ذا الحوطيه كيف بتصدق انك هيئه و انتي ما تغطيتي الا يوم اكتشفتي انها أحلى منك
تأزمت البنت مع كبر التحطيمه اللي وجهتها لها و قلنا لازم نخطط احنا وش نسوي لها بالضبط عشان ما يصير شي غلط ...عاد اتفقنا اننا نجيها من مبدأ الدين يعني نقول لها حراام عليك شوفي كم من رجل اجتذبتيه و صار ما يناظرنا و يناظرك و شوفي واحد حلو ما صدقنا على الله مطلع الرقم بيرقمنا الا انتي مقبله قام هوّن ... ثم مصعتني صاحبتي اللي توني ماصعتها و ردتلي المصعه (( يا شين السعوديات ما ينسون)) لأن هذا مهو أسلوب دعوة الى الاسلام ..

أعدنا التفكير في الاسلوب اللي نجيها منه .. قلنا مالنا الا خطط نصبيه بحته يعني نشتري بيبسي ولا شاهي و تجي وحده تخبط فيها عشان غصب عن أم جابتها ترجع لبيتها خخخخخخخخخخ ... المهم عجبتنا الفكره كل ابونا (( صويحبات يوسف ) ... وراحت وحده من البنات قالت والله لأجيب لها قهوه تغلي عشان تحرقها وتنرزع في بيتها اسبوع ... قال ايش قال داقه الزين لا اسلام ولا يحزنون <<---ايه هين عشان الاسلام مو عشان انها حلوه

المهم راحت البنت متحمسه و جابت القهوه قلت لها عطيني انا اروح أصقعها .. حلفت و قالت لاااااااا والله ان ما يصقعها غيري و انا يمين يسار البنت مصممه .. عاد قلت قلعتك بكيفك سوي اللي تبينه بس ترا ماعرفك و خذت صاحبتي الثانيه و رحنا بعيد و متحمسين نبي نشوف النتيجه

انطلقت البنت ماشيه ألفين و القهوه في يدها تغلي و من كثر ماهو باين ان شكلها كان غلط الله يهديها و هي على بالها تمشي برقّه قدام المزيون (( والله ما تدري وين الرقه معه )) .. انكسر كعبها بس وين مو عليها شالت الجزمتين بيدها الثانيه و كملت السالفه للبنت اللي والله اني رحمتها الحين .. يوم انها صارت قريبه منها سمّت بالله و جالسه تبي تصوب الأخت تجيها من أي جهة .. ما درت الا بزر من بزارين الرياض ذوليك اللي يلبسون لبس الفالح الأخضر و يمشون و يخبطون العالم يلعبون حبشه والله انهم رايقين ذولا بعد ولا أهلهم اللي تاركينهم .. المهم عاد خبط فيها الولد و طبعا القهوه انكبت عليها و انحرقت و طاحت على الأرض من حرارت القهوه .. جتها عاد البنت المزيونه قال ايش قال بساعدك مسكينه الوقت كان مره غلط و من شدة ما كانت مقهوره و حالتها صعبه صقعت الجزمه في وجهها و ما صحت الا في المستشفى ...

---->> كل ذا صار أمس يا النصابه

<<----- ايه محد شاف

معليش تحملو السخافه بس بسافر هالاسبوع و مابيكم تشتاقون لي حيل
رهام الملاك



لليبي يسمع الاغنيه

http://audio.flexor.ru/RealAudio2003...e-Sk8erBoy.ram