اول شي وش هالتنسيق قسم بالله ان عيوني عورتني

ثاني شي والله يا انك متحمسه وخوالك متحمسين عاادي ابو طلال

انسرقت سيارة ابوه 6 مراات وعادي الوضع يعني الحين يوم انسرقت

منكم كفرين سويتو كل هالصجه قبل اسبوع يعلمني واحد يقول حينا

كل شوي صايره فيه سرقه يقول عاد انا مركب جهاز على سيارتي المهم

يقول كنت في الملحق معي الاب توب يقول اول ماسمعت طوط طوط سيارتي

احد يحاول يسرقها يقول تقريباً خمس ثواني الا انا فاتح الباب تتوقعون من حصل

يسرقها يحلف بالله انه لقى جيب دورية قااعد عند سيارته قال وش تسوي انت

قال لا سمعت سيارتك ودريت ان فيه احد بيسرقها ووقفت عندها قال اشلون انا

مامداني اسمعها الا انا طالع طيب ماقدرت تمسك الحرامي تلعب علينا انت يقول

والله اني تركته يروح وش اسوي به حاميها حراميه ولا الي يقهرني يقولون

امن وامان اي امن وامان خويي بالجامعه ساكن بشقه يقول اول ماشريت السياره

انكسرت القزازه وسرقو الاستبنه يقول رحت بركب وكاله قالي انصحك لا تركب وكاله

ترى بكره بتنسرق يقول وركبت عاديه وشريت كفر يقول والله ممداني اقعد يومين الا

منسرقه يقول وسرقوها خمس مراات في الاخير كتب ورقه وعلقها على القزازه قسم بالله

مافيه استبنه وقفته دوريه قالت انت مهبول اقول شل اللوحه قال والله ماشيلها وبعد هواش

اضطر انه يشيلها واحد سيارته لكسز قررو يسرقونها المهم ان الرجال مايخلي سيارته

برى يدخلها بالبيت المهم وصلت فيهم الوقااحه انهم حطو قدام البوابه شحنت تراب يوم جاء

بيدخلها قال اكيد ان هذا جارنا حاطها اذا جاء العصر اكيد بيستخدمها وبدخل سيارتي ممداه

يجي العصر يطلع مايلااقي سياارته ولد عمي في العليا صدمووه شباب من ورى توه شاري

سياره جديد والله انها بقراطيسها شارينها تقريباً بـ 260 الف صدموه من ورى ونزل مسكين

مرتااع وفي الحظه الي هو نزل فيها نزل وااحد من السياره الثانيه وراح ركب سيارته وحرك

والي واقف معه دفه وركب السياره وحط رجله ليومكم هذا ماندري وش صاار بالسياره !!

قبل سنه قدام بيتنا جاء وااحد يفحط وصدم سيارتنا المهم بلغنا معنا رقم الووحه وكل شي

لـن لوحته طاحت ومن الساعه 3 الليل لين الساعه 6 الصبااح ولا هذا وانا داقين على وااحد

نقول خل خويك يجي بدري المهم ان خوينا دق على خويه قال رح بسرعه يوم جانا لينه معصب

يقول يااخي انتم ماتخلون الواحد يتسحر مثل الناس !! الي مستلم الحي كله دورية وحده بس !!

والله ان الموضوع هذا يضيق الصدر والتفكير فيه يقصر العمر عشان كذا

لعااد اشوفك تكتبين مواضيع تضيق الصدر خلك على سرلنكا والبلكونه والطبيعه