نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - من فكرت فيها وانا عارف ان كوزمين داهية...

DaBDoOoB · #15 20/02/2008, 09:42 AM

إقتباس


	- ركن الشلهوب في الاحتياط لما شاف مستواه نازل . وشوفو الشلهوب كيف يحتري فرصة الدخول ولما لقاها شوفوا كيف كان متحمس.

أولاً أعلنها في أكثر من صحيفه أن طريقته هي من قتلت الشلهوب
شوف طارق التائب لاعب متحرك في الملعب ولم تحدد له خانه ولو نزل الشلهوب راح يعيق
من تحركات التائب عشان كذا الشلهوب ورقه رابحه في ملف السيد كوزمين

إقتباس


	- اظهار نجوم مركونين في دكة الاحتياط لمدة طويلة مثال: زرع الثقة في الهليل وتوظيف قدراته كامدافع. وشوفوا كيف مستواه. والخراشي .... عليكم الباقي.

الهليل كان الحل الوحيد للمدرب كوزمين في المباراه حتى يغطي الدفاع وما كان هناك الا هاللاعب
يعني لا تبني تحليلاتك على أشياء وهميه

إقتباس


	- دمج العناصر الشابة مع الفريق الاول بشكل تدريجي ورائع حسب الظروف. كالزوري والكلثم والفريدي بالطريق.

الزوري أثبت نفسه ويستحق لكن شوف الكلثم ما صار يلعب أبداً والسبب غير معروف
وبعدين حلوه كلمتك الفريدي بالطريق أحسك تلعب على نفسك

إقتباس


	_ تقفيل المناطق الدفاعية من اولويات هذا المدرب . وهذا شي جدا لان لو الهلال مايقفل المناطق الدفاعية كان الفريق يكون ضياع كنهائي الموسم الماضي.

لو تلاحظ أن المدرب سبب نكسة للهلال حتى انك ما تشوف خالد عزيز على القوس
معقوله كل الركنيات حقت الأهلي خطيره والسبب ما فيه لاعب على القوس وانت جالس
تمدحه وتقول يعتمد على تقفيل المناطق الدفاعيه ولا عطنا تفسيرك لمنطقه القوس الفاضيه ..!!!

إقتباس


	- وقولوا ماقالها مون 20بطولات هالسنة كلها هلالية باذن وتوفيق الله. وابرجع لكم اخر الموسم وابذكركم.

أتمنى أنها تكون كلها من نصيب الهلال وخصوصاً أن الهلال هالسنه حظوظه قويه ولا زالت
قائمه وعقبال ما نشوف ثلاثيه هالموسم لكوزمين ولمحمد بن فيصل

ألف شكر على الموضوع وعقبال ما نفرح بالكأس