نزلت قبل ايام لعبة ويننج اليفن 5 -الدوري الياباني 5- على البلايستيشن 2 و حصلت لي الفرصة و لعبت فيه عند احد اصدقائي .
المهم انا اخترت المنتخب السعودي و ابشركم حاطين تشكيلة المنتخب اللي في كاس اسيا الاخيرة و حاطين الشلهوب قوة مناولاته 18 و الجمعان تسديدته 18 و سامي حاطين شكله الحقيقي -يعني الجبهة باينة شوي (; - و التمياط و خليل و الباقي المهم اصوات الجماهير اذا سمعتها ما تصدق انت في الملعب و الا في بيتكم بصراحة الاصوات واقعية 100% و انا قاعد العب بالسعودية الا اسمع الجماهير تقول :عزك عزنا ..... عزك عزنا قمت و رفعت الصوت الى اخر شي والا اسمعهم يقولون : يا هلال عزك عزنا , يا هلال عزك عزنا , يا هلال عزك عزنا !!!!!!!!!!!! انا اكلت تبن و قعدت اسمع و الكمبيوتر قعد يلعب فيني و انا قاعد اسمع ..طبعا راح يقول البعض يمكنه يبالغ شوي وهم معذورين فقمت ناديت صديقي و قلتله تأكد يمكني كنت احلم و سمع و تأكد بنفسه و طلع كلامي صحيح (: (: (:
فهنيئا لكم بنو هلال و ليتأكد الجميع ان جماهير الهلال في كل مكان حتى في البلايستيشن 2 ....
[عدلت بواسطة عـــــمـــــــاد التاريخ:31-03-2001 الساعة: 07:25 PM]