نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ ليغا 24 ][ يوم سعيد في إشبيليه .. والبرسا يقلّص الفارق ][ متابعـة ][

S U L A I M A N · #70 18/02/2008, 01:21 AM

إقتباس


	ترا للحين مني فاهم .. الكورة في صدر اللاعب ولا بطنه !! لانك تقول صدره ولا بالأحرى بطنه فرق كبير بين الصدر والبطن إذا ماكنت غلطان .. انت بنفسك مو متأكد شلون ثبتها هنري !

شلون فرق كبير بين صدره وبطنه اخوي ياسر الله يرضالي عليك .. المقصد واحد وهو ان هنري ثبت الكوره بمكان مسموح فيه ان الكوره تلمسه .. والصدر والبطن يكونون في مقدمة الجسم وماعتقد انه بتفرق لو ضربها بصدره ولا بطنه ولا حتى فخذه .. المقصد واحد وواضح اخوي ان الهدف سليم وبس .. وأنا قلت بصدره او بطنه لأن هالشي مايهم .. الي يهم ان هالأشياء ماتسبب فاول فقط لاغير ..

إقتباس


	انا بصراحة الصور اللي انت وضعتها ماقدر اصدر فيها اي حكم لانها مو واضحة لي انا شفتها إعادة أكثر من مرة وبعد تثبيت اللقطة في الفيديو اتضح انها لمسة يد حسب رأيي الخاص واللقطة المتحركة راح تكون أكثر دقة من الصور على كل حال

طيب أخوي ياسر اكيد ان هاللقطه ماشفناها حنا .. ياليت تجيب لنا هاللقطه وتدعمها بالصور زي ماسوينا حنا وأثبتنا هالشيء

..

إقتباس


	تبيني اقتنع بإيش بالضبط ؟ جايب لي صورة من ظهر اللاعب بعد تثبيت الكورة وتقولي اقتنع !!

أرجع وأقول انت غير ملزم انك تقتنع بكلامي اخوي ياسر .. هو رد على بعض الأمور الي تقولها فـ حبيت أبين لك بعض الاخطاء الي تقولها انت حسب وجهة نظري .. ولك الحق التام في عدم الاقتناع فيها

إقتباس


	بالنسبة لـ ضربة الجزاء انا ماقلت انها في يد اللاعب ؟! متى ذكرت هالشيء ؟

يمكن أكون أخطأت بهالشيء وخلطت الامور .. لكن حرف واحد غير المعنى كامل

.. وهذا ردي بعد التعديل ( وبالنسبه لكوره مدافع سرقسطه فـ زي ماقلت ان الكوره في الهواء .. لو كانت ملامسه لجسم الاعب وقتها نحكم .. الصوره مالمست جسم الاعب وحكمت انها مهب بيده ! )

إقتباس


	وبعدين انا يوم أقول منتديات ماأقصد منتديات خاصة ببرشلونة اقصد منتديات رياضية لا تنتمي لأندية معينة يعني بروح ادخل منتدى لنادي وانتظر من أغلبية جمهوره يعطون رأي محايد !!

يعني بتروح لمنتدى مانشيتر وتنتظر منهم يقولون ان بلنتي برشلونة غير صحيح !! اذا كنت بتروح لمنتديات فريق منافس طبيعي بيكون كلامهم ان الهدف والبلنتي غير صحيح !

...................

إقتباس

الرسالة الأصلية كتبت بواسطة Y A S E R


	^^ وش اللي يمنع انها لو ضربت يده ماتتجه للأمام ؟ اللاعب استقبل الكورة على يده فـ طبيعي تنزل قدامه لو استقبلها بـ فخذه مثلا وين راح تنزل !! مادري وش العلاقة بين الجزء اللي استقبل اللاعب الكورة فيه .. وبين مكان الكرة !!

مرحبا .. بما ان أبو سلطان صار اوف لاين الحين وماتوقع انه بيرد الا الصباح اذا حصل له .. فـ ودي ادخل نفسي بالموضوع وأرد رد أتوقع اي واحد يفكر يرد نفس ردي

.. بعد اذنكم طبعا ..

إقتباس


	وش اللي يمنع انها لو ضربت يده ماتتجه للأمام ؟

الي يمنع يالغالي وضعية الاعب ووضعية ايده .. يد هنري كانت مرتفعه فوق شوي يوم استلم الكوره .. ولو كانت الكوره بيده كان اتجهت للمرمى مباشره .. يعني راحت يسار ماراحت قدام هنري وتحت رجلينه مباشره .. هالشيء بديهي اخوي ياسر وطبيعي يصير .. إذا كنت داخل سياره وخليت الدركسون للجهه الاماميه ودعست بنزين .. بتروح السياره ورى ولا يسار !! الا بحال انك كنت حاطها على الريوس او كان فيها حذف

.. المقصود من التشبيه انك اذا كنت موجه شغله لامر معين .. طبيعي انها بتتجه ناحية هالشيء

..

إقتباس


	اللاعب استقبل الكورة على يده فـ طبيعي تنزل قدامه لو استقبلها بـ فخذه مثلا وين راح تنزل !!

لا يالغالي مهب طبيعي انها تنزل قدامه .. الطبيعي والمفروض يصير انها تنزل يسار الاعب مهب قدامه .. ومستحيل تنزل بنفس الوضعيه الي نزلت عليه في لقطة أمس لو كانت مُُُثبته باليد ..

أما لو استقبلها بفخذه فـ تشبيه غريب هذا .. لو الفخذ هو لب الموضوع كان أكيد بتكون رجل هنري مرتفعه فوق كانه يسوي دبل كيك ولا مسوي فيها شيء .. لكن اذا كان الفخذ ثابت فـ طبيعي جدا ومؤكد انها بنتزل أمام الاعب وهالشيء زي ماذكرت بديهي ..

إقتباس


	مادري وش العلاقة بين الجزء اللي استقبل اللاعب الكورة فيه .. وبين مكان الكرة !!

طيب دامك ماتدري وش العلاقه شلون تقول انه مستلمها بيده وطبيعي تروح قدامه .. ردك هذا يعني انك فهمت العلاقه ومادري وش المغزى من سؤالك هذا .. لكن مع ذلك بجاوبك اخوي ياسر ..

اخوي ياسر أي لاعب طبيعي يكون عنده مهارات .. أي مهاره .. وهالشيء ممكن بشكل كبير يكون موهبه طبعا .. زي التهديف او ضربات الراس او قوة التسديد او الطول او القصر او المراوغات او او .. الخ .. استقبال الكوره أحد مهارات كرة القدم .. رونالدينهو الموسم الماضي قدام فيلاريال وتحديدا في مباراة الإياب في الجوله الـ 28 على ما اعتقد .. جاب هدف خرافي جعل جميع من يتابع تلك المباراة يقف مشدوها امام الهدف .. تابع معي طريقة احراز الهدف .. زامبروتا يرسل الكوره عرضيه لـ روني والذي كان يقف أمام المرمى والمرمى خلفه تماما .. يستقبل الكره بوضعيه يصعب فيها استقبالها بالصدر .. ويرفعها للاعلى ويحرز هدفا أكروباتيكيا كما يُُقال عنه .. هذي اخوي ياسر احد أساليب الاستقبال .. لو الكوره راحت يسار او يمين كان ممكن نقول انها بيده .. لكن كونها راحت قدام فـ مستحيل نقول انها جت من ايده .. مستحيل لأنه أمر بديهي ليس إلا

..

برب بروح انام انا بعد