الأخ الغالي ابوشيخة..
هلا بك والله ..

إقتباس أنا كله عندي كوم .. ويوم يقول اليامي عند نزول المسعري إن بلاتشي يرمي أوراقه كوم

تصدّق[ لخمتني ] أحسب أن اليامي لاعب الاتحاد قايلٍ هالكلام !! قلت وش منقزه بعد ومصرّحٍ للمسعري!!

المسعري مسيكين ما بيده شي ومهوب ذنبه أنه رجع ..
الذنب على اللي سمح له بالعودة وهو ولطف بعد ما كانوا من ضمن المنسقين لعام 1423هـ

بس من معه واسطة ( بينبسط) ومن ما معه ( يرجع لدوامه الأول إن كان له دوام )

شاكرك لك ..

*******
الأخ محــايــد..
هلا بك ..
الوضع طال عمرك من مباراة الأهلي اللي بجدة وفزنا فيها بهدف ( الموت) وبالفعل هالهدف عطى لعيبتنا أمل على أنهم كل مباراة راح يتداركون أنفسهم ويظبطون أحوالهم ..

تصدق وش بغيت البارح؟
بغيت الهلال ينهزم لأني واثق أن الهزيمة نفعها أكثر من ضررها .. والمباراة الأخيرة مع العربي الكويتي راح نفوز عليهم بأكثر من 3 وبناخذ البطولة ..

بس للأسف

المستوى بارد .. واللعب مدحدر .. والهوية ضايعة.. والسمعة بالحظيظ هالأيام ..

شكراً لك ،،
********

الأخ تحدوه البشر..
هلابك ..

عزانا وعزاك .. الله يعظم فيه أجرنا في فقدان روح الهلال

شكراً لك على تقديم التعزية

***********

الأخ H-CrAzY..

هلابك ..

مثل ما تفضلت لو حققها ( وهذا الأكيد إن شاء الله) راح نتهرّب من ذكرها بالمستقبل يعني إن سألك واحد وقال كم عدد بطولاتكم ؟ راح تذكر له بطولات الهلال وإذا وصلت لهالبطولة راح يسألك وش هالبطولة ومتى وكيف مستواكم؟ بتقول أنت هالبطولة يوم أن الكابتينية تمرّ على أكثر من لاعب في موقف مخجل راح يقول لك ما أذكرها ،، راح تقوله إيه وين وصلنا !!

شكراً لك ..

*********
الأخ romeo
هلا بك ..

الدعوى مهيب بسامي ولا بنواف الدعوى بالروح التعادلية التي ستصبح ماركة بلاتشية !!

ألف شكر لك ..

*******
الأخ Abu3abed..

مثل ما أسلفت أن الوضع مدحدر ( والوضع من جرف لدحديرة) .. ولو أخذنا هالبطولة لن نرضى بهذه البطولة إطلاقاً لأن اللي ساعد الهلال بأخذها هو ( تواضع الفرق وليس قوة الهلال) ..!!

شكراً لك ..