| مساء الخير......
اخوي ياسر.....والله انك فعلا جيت على الجرح....
الموضوع فيه حلقات مفقودة كثيرة......
بالاضافة الي كم كذبة حاول الاعلام الرياضي اقناعنا بهن...
أولهن : قولتهم ان استاد الملك فهد يتسع لاكثر من ثمانين ألف
متفرج !!!!
انا اقول ان هذي هي النصبة اللي ماصلت علىالنبي ....
شفنا مبارايات عالمية كثير....وشفنا ملاعب اكثر....
انا أتحدى اذا كان ذاك الاستاد ياخذ اكثر من اربعين الف....ولا خمسين
على الاكثر....
بس حنا للأ سف تعودنا على النفخة الكذابة.....
وملعبنا اكبر ملعب....ومطارنا اكبر مطار.....ونافورتنا اعلى
نافورة....
ايه الله يرحم الحال.....الحكي ببلاش.....ماعليه جمرك....
اما بالنسبة لعدد الجماهير المعلن بعد كل نهاية مباراة...فهذي هي
نكتة الموسم....
ياماوياما مباريات شفنا الاستاد فيها مليان...ومافيه مكان لشخص
اضافي....مثل مباراة الهلال والترجي بنهائي البطولة العربية مثلا ...
ونفاجأ بعد المباراة بمن يقول لنا ان عدد الجماهير الحاضرة...حوالي
العشرين الف !!!!!
وين ياعمي ؟؟؟....
حضرنا المباراة بانفسنا ...وشفنا شكل الملعب كيف .....
كان الملعب على قولتكم يتسع لثمانين الف.....فالحضور فيه مايقل عن
خمسة وسبعين الف...
وكان الملعب مثل ماهو واضح للجميع...مايشيل الا خمسين الف....فبرضه
الحضور مايقل عن خمسة واربعين الف...
يعني بصريح العبارة....فيه خمس وعشرين الف تذكرة...بيعت من برا
برا!!!
وين راحت فلوسهن...الله اعلم..
مثل ماقلت اخوي ياسر....مانبغى نتهم احد....بس برضه مانبغو ندربي
رووسنا....وحنا ماندري وش السالفه...
ولاة الامر قالوها اكثر من مره...ان مافيه احد كبير على
الحساب...ومافيه احد فوق القانون....
هذا وهم الكبار...الله يحفظهم لنا....فما بالك بهولاء اللي اخذين
الدعوى لعبة....وهم لا شي....
حتى ان بعضهم مااخذ الجنسية الا قبل كم سنة....
والظاهر سالفه الذبحة الصدرية اللي جت ابو الشباب ( ماودي اجيب
اسمه )....وتوقيتها....اعطانا صورة واضحة عن كيف الامور ماشيه...
يعني ماجته الذبحة..الا يوم انفضحت عقود مدرب المنتخب الجديد..والناس
كلها عرفت كم مئة الف دولار انلطشت من وراء عقد هالمدرب الضعيف....
وغير هالشي كثير....
ولو نبي نفتح ملف معسكرات المنتخبات....كان صار فيها كلام
كثييييييييير
معليش على الصراحه الزايدة......بس لازم نحط يدنا على
الجرح...ونحاول نعالجه...بدل ماحنا جالسين نصبر على ألمه...ونقنع
انفسنا انه مهوب موجود.....وبالاخير نحصل انه التهب...وبدأ يهدد
حياتنا...
سلامي واحترامي للجميع...... | 